മലപ്പുറം: തൊഴില്തര്ക്കവുമായി ബന്ധപ്പെട്ട് ചര്ച്ചക്ക് പോയ ബിഎംഎസ്ആര് പ്രവര്ത്തകന് പ്രമോദ് മാക്കോത്തിനെ മെര്ക്ക് ഫാര്മ കമ്പനി മാനേജര് മര്ദ്ദിച്ചു.
ഇന്നലെ രാവിലെ പതിനൊന്ന് മണിയോടെയാണ് തിരൂര് സിറ്റി ഹോസ്പിറ്റലിന് പരിസരത്താണ് സംഭവം. തൊഴിലാളികളുടെ പ്രശ്നങ്ങള് പറയുന്നതിനിടെ പ്രകോപിതനായ കമ്പനി മാനേജര് ബാബു ജോര്ജ്ജ് പ്രമോദിനെ അടിച്ചുവീഴ്ത്തുകയായിരുന്നു. പരിക്കേറ്റ പ്രമോദിനെ തിരൂര് ജില്ലാ ആശുപത്രിയില് പ്രവേശിപ്പിച്ചു.
തൊഴിലാളികളെ ചൂഷണം ചെയ്യുന്ന മെര്ക്ക് കമ്പനിക്കെതിരെ നിയമനടപടികള് സ്വീകരിക്കുമെന്നും ബാബു ജോര്ജ്ജിനെ അറസ്റ്റ് ചെയ്യണമെന്ന് ബിഎംഎസ്ആര്എ ജില്ലാ കമ്മറ്റി ആവശ്യപ്പെട്ടു.
തൊഴില്പ്രശ്നത്തിന് ജനാധിപത്യരീതിയില് പരിഹാരം കാണാനാണ് ബിഎംഎസ്ആര്എ ശ്രമിച്ചത്. പക്ഷേ അതിനെ കായികമായി നേരിട്ടത് പ്രതിഷേധാര്ഹമാണെന്നും യോഗം വിലയിരുത്തി. ജില്ലാ പ്രസിഡന്റ് ബ്രിജേഷ് അദ്ധ്യക്ഷനായി. സെക്രട്ടറി ദുര്ഗ്ഗാപ്രസാദ്, ട്രഷറര് സിജു എന്നിവര് സംസാരിച്ചു.
