ന്യൂദല്ഹി; പല പല പേരുകളില് സര്ക്കാരിതര( എന്ജിഒ) സംഘടനകളുണ്ടാക്കി സര്ക്കാരിന്റെ പണം തട്ടിയെടുക്കുന്നവര്ക്ക് എതിരെ കര്ശന നടപടികള്ക്ക് വഴിയൊരുങ്ങുന്നു. ഇങ്ങനെ തട്ടിപ്പു നടത്തുന്ന സംഘടനകളുടെ തലവന്മാര്ക്ക് തടവ് നല്കാനുള്ള നിയമം കൊണ്ടുവരുമെന്ന് കേന്ദ്രം സുപ്രീം കോടതിയില് അറിയിച്ചു.
കള്ളക്കണക്ക് നല്കിയും കണക്കുകള് നല്കാതെയും മറ്റു പല രീതികളിലുമാണ് ഇത്തരം സംഘടനകള് സര്ക്കാര് ഫണ്ട് വാങ്ങിയെടുക്കുന്നത്. ഇങ്ങനെ തിരിമറി നടത്തുന്ന സംഘടനകളുടെ മേധാവികള്ക്ക് ശിക്ഷ നല്കാന് ഉതകുന്ന നിയമമാകും കൊണ്ടുവരിക. അഡീഷണല് സോളിസിറ്റര് ജനറല് കോടതിയില് പറഞ്ഞു.
ഇത് ഗുരുതരമായ പ്രശ്നമാണ്. കോടതി നേത്തെ നിര്ദ്ദേശം നല്കിയിട്ടുമുണ്ട്. അത് നടപ്പാക്കണം. അങ്ങനെ വന്നാല് ഇത്തരം സംഘടനകളുടെ പ്രവര്ത്തനങ്ങള് നിരീക്ഷിക്കുന്ന അധികൃതര്ക്ക് വലിയ സഹായവുമാകുമെന്നും കോടതി പറഞ്ഞു.
പ്രതിവര്ഷം 950 കോടി രൂപയാണ് ഇത്തരം സംഘടനകള്ക്ക് സര്ക്കാര് നല്കുന്നത്. ഇത് നികുതി ദായകരുടെ പണമാണ്. ഈ പണം പറ്റുന്നവരുടെ പ്രവര്ത്തനങ്ങള് നിയന്ത്രിക്കേണ്ടതുണ്ട്. സര്ക്കാര് ഫണ്ട് വാങ്ങുന്ന സംഘടനകളില് പത്തു ശതമാനം മാത്രമാണ് വാര്ഷിക കണക്ക് നല്കുന്നത്. കോടതിയില് മുന്പ് സിബിഐ സമര്പ്പിച്ച റിപ്പോര്ട്ടില് പറയുന്നു.
