അരൂര്: കൈതപ്പുഴ കായലില് രൂപം കൊണ്ട മണല്തിട്ടകള് നീക്കം ചെയ്യണമെന്ന ആവശ്യം ശക്തമായി. അരൂര് മേഖലയിലെ ഇടതുപക്ഷ മത്സ്യ തൊഴിലാളി യൂണിയനുകളാണ് മണല് തിട്ടകള് അടിയന്തരമായി നീക്കം ചെയ്യണമെന്ന ആവശ്യം ഉന്നയിക്കുന്നത്.
അരൂര്-കുമ്പളം പുതിയ പാലം നിര്മ്മിച്ചപ്പോള് പൈലിങ്ങ് വേളയില് ഭൂമിക്കടിയില് നിന്നും ഉയര്ന്നു വന്ന ചെളിയാണിത്. യഥാസമയം ഇത് കായലില് നിന്നും നീക്കം ചെയ്യാതെ കായലയില് തന്നെ ഉപേക്ഷിക്കുകയായിരന്നു. ഇതാണ് പിന്നീട് കായലില് മണല് തിട്ടകളായി രൂപാന്തരപ്പെട്ടിരിക്കുന്നത്.
അരൂര്-കുമ്പളം പാലത്തിന്റെ വശങ്ങളിലും റയില് പാലത്തിന്റെ വശങ്ങളിലുമാണ് വിവിധ മേഖലകളില് മണല് തിട്ടകള് രൂപം കൊണ്ടിരിക്കുന്നത്. ഇവ മല്സ്യ തൊഴിലാളികള്ക്ക് വന് ഭീഷണിയാണ് ഉയര്ത്തുന്നതെന്ന് സംഘടനകള് ആരോപിക്കുന്നു. ഇതിന് മുന്പ് കായലിലൂടെ എത്തിയ സ്പീഡ് ബോട്ട് ഈ മണല് തിട്ടയില് ഇടിച്ച് അപകടമുണ്ടായതായി മത്സ്യ തൊഴിലാളികള് ചൂണ്ടിക്കാട്ടുന്നു.
വേലിയിറക്ക സമയത്ത് ഇവിടെ രൂപ കൊണ്ടിട്ടുള്ള മണല് തിട്ടകള് പൂര്ണ്ണമായി കാണുവാന് കഴിയും നിരവധി തവണ മണല് തിട്ടകള് കായലില് നിന്നും നീക്കം ചെയ്യണമെന്ന് ആവശ്യപ്പെട്ടിട്ടും അവഗണനയാണ് ഫലം മഴയെ തുടര്ന്ന് കാലില് വെള്ളം കൂടുതല് എത്തിയിട്ടുണ്ട്.
എന്നാല് വെള്ള കൂടുതല് മൂലം മണല് തിട്ടകള് കാണുവാന് കഴിയാത്ത സ്ഥതി വിശേമാണുള്ളത്. ഇത്തരം സാഹചര്യത്തില് മല്സ്യ തൊഴിലാളികള് വന് ഭീഷണിയാണ് നേരിടുന്നത്.
ഇനിയും കൂടുതല് അപകടങ്ങള് ഉണ്ടാകാതിരിക്കുന്നതിനും മല്സ്യതൊഴിലാളികളുടെ ഭീതി അകറ്റുന്നതിനുമായി അടിയന്തിരത്തില് കായലില് രൂപം കൊണ്ട മണല് തിട്ട നീക്കം ചെയ്യണമെന്നും അല്ലാത്ത പക്ഷം ശക്തമായ പ്രക്ഷോഭ പരിപാടികള് സംഘടിപ്പിക്കേണ്ടി വരുമെന്നും സംഘടനകള് മുന്നറിയിപ്പ് നല്കി.
