അമ്പലപ്പുഴ: വ്യാസമഹാസഭയുടെ ആഭിമുഖ്യത്തില് ഞായറാഴ്ച വ്യാസജയന്തി ആഘോഷവും വ്യാസ വിചാരസംഗമവും പുന്തല എസ്വിഎസ് കരയോഗത്തിലെ വ്യാസാ ഓഡിറ്റോറിയത്തില് നടക്കും. എട്ടിന് വ്യാസസ്മൃതിവന്ദനം. എസ്വിഎസ് കരയോഗം സെക്രട്ടറി മധു ഭദ്രദീപ പ്രകാശനം നിര്വ്വഹിക്കും. വ്യാസ മഹാസഭ സംസ്ഥാന പ്രസിഡന്റ് കെ.ഡി. രാമകൃഷ്ണന് ഉദ്ഘാടനം ചെയ്യും. തീരദേശ സമൂഹം നേരിടുന്ന വെല്ലുവിളികള് എന്ന വിഷയത്തില് ഭാരതീയ മത്സ്യപ്രവര്ത്തക സംഘം സംസ്ഥാന വൈസ് പ്രസിഡന്റ് എന്.പി. രാധാകൃഷ്ണന് പ്രഭാഷണം നടത്തും. രണ്ടിന് വ്യാസകൃതികള് അടിസ്ഥാനമാക്കി വിദ്യാര്ത്ഥികള്ക്കായി പ്രശ്നോത്തരി, മൂന്നിന് വ്യാസകുല മഹാസംഗമവും മുതിര്ന്നവരെ ആദരിക്കലും. അഞ്ചിന്വ്യാസ വിചാരസംഗമം റിട്ട. ജില്ലാ ജഡ്ജി ആര്. നടരാജന് ഉദ്ഘാടനം ചെയ്യും. വ്യാസ മഹാസഭ സംസ്ഥാന സെക്രട്ടറി സജീവന്ശാന്തി അദ്ധ്യക്ഷനാകും. വേദവ്യാസ വേദവേദാന്ത പാഠശാലയുടെ ഉദ്ഘാടനം നടക്കും.
വ്യാസജയന്തി ആഘോഷവും വ്യാസ വിചാരസംഗമവും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.