മാവുങ്കാല്: മൂന്നാംമൈല് അഞ്ചാംവയല് ശിവഗിരി അര്ദ്ധനാരീശ്വര ക്ഷേത്രത്തില് ഭക്തിനിര്ഭരമായ ചടങ്ങുകളോടെ ഇന്നലെ പ്രതിഷ്ഠ കര്മ്മം നടന്നു.
മഹാഗണപതി ഹോമത്തിനു ശേഷം ഉച്ചക്ക് 12.10 മുതല് 1.13 വരെയുള്ള അനിഴം നക്ഷത്രം രണ്ടാംകാലില് കന്നിരാശി മുഹൂര്ത്തത്തിലാണ് ക്ഷേത്രംതന്ത്രി ആലംമ്പാടി പത്മനാഭ തന്ത്രിയുടെ നേതൃത്വത്തില് ദേവപ്രതിഷ്ഠ നടന്നത്. തുടര്ന്ന് വിവിധ അഭിഷേകപൂജകള്, അന്നദാനം. കാഞ്ഞങ്ങാട് ആര്ട്സ് ഓഫ് ലിവിംഗ് പ്രവര്ത്തകരുടെ സത്സംഘം, 5 മണിമുതല് സര്വ്വൈശ്വര്യ വിളക്ക്പൂജ, തട്ടുമ്മല് സത്യസായി സേവാ സമിതി കല്യോട്ട് അവതരിപ്പിക്കുന്ന പ്രദക്ഷിണഭജനയും നടന്നു. പ്രതിഷ്ഠയുടെ ഭാഗമായി നിരവധി ഭക്തജനങ്ങളാണ് ക്ഷേത്രസന്നിദ്ധിയിലെത്തിയത്.
