കാഞ്ഞങ്ങാട്: ആവശ്യത്തിന് നഴ്സുമാരില്ലാത്ത കാരണം കാഞ്ഞങ്ങാട് ജില്ലാ ആശുപത്രിയിലെ പേവാര്ഡ് വീണ്ടും അടച്ചിടുന്നു. പുതുതായി ഇവിടെ രോഗികളെ പ്രവേശിപ്പിക്കുന്നത് ഇതിന്റെ ഭാഗമായി നിര്ത്തിവെച്ചു. മൂന്ന് സ്റ്റാഫ് നഴ്സുമാരാണുള്ളത്. ഇതില് ഒരാളെ ഏതാനും ദിവസം മുമ്പ് മുന്നറിയിപ്പില്ലാതെ കാസര്കോട്ടേക്ക് മാറ്റി.
ഇതോടെ ഇവിടെ രാവും പകലും മാറിമാറി ഡ്യൂട്ടി ചെയ്യാന് നഴ്സുമാരില്ലാതായതോടെയാണ് പുതിയ അഡ്മിഷന് നിര്ത്തിവെച്ചത്. ആകെ 24 മുറികളാണ് ഉള്ളത്. തിരുവനന്തപുരം ആസ്ഥാനമായുള്ള കേരള ഹെല്ത്ത് റിസര്ച്ച് വെല്ഫെയര് സൊസൈറ്റിയുടെ കീഴിലാണ് പേവാര്ഡ് പ്രവര്ത്തിക്കുന്നത്.
പേവാര്ഡ് കിട്ടാതെ നൂറുകണക്കിന് രോഗികള് കാത്തു നില്ക്കുമ്പോഴാണ് ഇത് പൂട്ടിയിടുന്നത്. ഡോക്ടര്മാരുടെ നിസഹകരണ സമരംമൂലം നേരത്തെയും പേവാര്ഡ് പൂട്ടിയിടുന്ന അവസ്ഥയുണ്ടായിരുന്നു. ശുചീകരണത്തിന് ആവശ്യത്തിന് ജീവനക്കാര് ഇല്ലാത്തതും ആശുപത്രി പ്രവര്ത്തനത്തെ ബാധിക്കുന്നുണ്ടെന്ന് അധികൃതര് പറയുന്നു.
