കുറവിലങ്ങാട്: ഉഴവൂര് കെ.ആര്. നാരായണന് സ്പെഷ്യാലിറ്റി ആശുപത്രിയുടെ ആറുനിലയുള്ള പുതിയ കെട്ടിട സമുച്ചയത്തിലേക്ക് പ്രവര്ത്തനങ്ങള് മാറ്റുന്നതിനായി വികസന പ്രവര്ത്തനങ്ങള് തുടങ്ങി.
പൊതുമരാമത്ത് വകുപ്പ് പൂര്ത്തീകരിച്ച കെട്ടിട സമുച്ചയത്തില് ആരോഗ്യവകുപ്പ് നിര്ദ്ദേശിച്ചിരിക്കുന്ന വിവിധ വികസന കാര്യങ്ങളാണ് 50 ലക്ഷം രൂപയുടെ എം.എല്.എ. ഫണ്ട് ഉപയോഗിച്ച് അടിയന്തിരമായി നടപ്പാക്കുന്നത്. ആശുപത്രിയില് ഒ.പി. വിഭാഗവും കാഷ്വാലിറ്റിയും പ്രവര്ത്തനം ആരംഭിക്കും.രണ്ട് ഓപ്പറേഷന് തീയറ്ററുകള് പ്രവര്ത്തിപ്പിക്കുന്നതിനുള്ള സൗകര്യം ഒരുക്കും. പുതിയതായി നിര്മ്മിച്ച കെട്ടിടത്തോടു ചേര്ന്ന് ലഭ്യമാകുന്ന സ്ഥലം പ്രയോജനപ്പെടുത്തി സ്കൂട്ടറിനും ചെറുവാഹനങ്ങള്ക്കും വേണ്ടിയുള്ള പാര്ക്കിംഗ് ഷെല്റ്റര് നിര്മ്മിക്കുന്നതിനും തീരുമാനിച്ചിട്ടുണ്ട്. ആശുപത്രിയില് സ്പെഷ്യാലിറ്റി വിഭാഗം പ്രവര്ത്തനം ആരംഭിക്കാന് സര്ക്കാര് തലത്തില് തീരുമാനം കൈക്കൊള്ളുന്നതിന് ആരോഗ്യമന്ത്രിയുടെ സാന്നിദ്ധ്യത്തില് യോഗം വിളിക്കാന് ് ആവശ്യപ്പെട്ടതായി മോന്സ് ജോസഫ് എംഎല്എ അറിയിച്ചു.
