വടക്കെമഠം ബ്രഹ്മസ്വംമഠത്തില് നടന്ന സെമിനാര് മുന്വൈസ്ചാന്സലര് ഡോ. കെ.കെ.എന്. കുറുപ്പ് ഉദ്ഘാടനം ചെയ്യുന്നുവടക്കെമഠം ബ്രഹ്മസ്വംമഠത്തില് നടന്ന സെമിനാര് മുന് വൈസ്ചാന്സലര് ഡോ. കെ.കെ.എന്. കുറുപ്പ് ഉദ്ഘാടനം ചെയ്യുന്നു
തൃശൂര്: ഭാരതത്തിന്റെ ചിന്താമണ്ഡലത്തിലെ ഏറ്റവും പ്രധാന സംഭാവനയായ അദ്വൈതം സാധാരണക്കാരിലേയ്ക്ക് എത്തിയ്ക്കുന്ന പ്രയത്നം കാലഘട്ടത്തിന്റെ ആവശ്യമാണെന്ന് കോഴിക്കോട് യൂണിവേഴ്സിറ്റി മുന് വൈസ് ചാന്സലര് ഡോ. കെ.കെ.എന്. കുറുപ്പ് പ്രസ്താവിച്ചു.
തൃശൂര് ബ്രഹ്മസ്വം മഠം വേദ ഗവേഷണ കേന്ദ്രം ഡല്ഹിയിലെ ഇന്ത്യന് കൗണ്സില് ഓഫ് ഫിലോസോഫിക്കല് റിസര്ച്ചുമായി സഹകരിച്ചു നടത്തുന്ന അദ്വൈതവേദാന്തത്തിന്റെ അനുസ്യൂതി കേരളത്തില്, ഗ്രന്ഥങ്ങളും ഇതരപാരമ്പര്യങ്ങളും എന്ന വിഷയത്തിലുള്ള ദ്വിദിന സെമിനാര് ഉദ്ഘാടനം ചെയ്യുകയായിരുന്നു അദ്ദേഹം.
കാലടി സംസ്കൃത സര്വകലാശാല ഫിലോസഫി വിഭാഗം പ്രൊഫസറും ഐസിപിആര് മെമ്പറുമായ ഡോ. ശ്രീകല എം.നായര് അദ്ധ്യക്ഷത വഹിച്ചു. വേദിക് റിസര്ച്ച് സെന്റര് സെക്രട്ടറി ഡോ. സി.എം. നീലകണ്ഠന് പ്രമേയം അവതരിപ്പിച്ചു. പോണ്ടിച്ചേരിയിലെ ഇന്തോ ഫ്രഞ്ച് ഇന്സ്റ്റിറ്റ്യൂട്ടിലെ റിസര്ച്ച് സ്കോളര് ഡോ. എസ്എഎസ് ശര്മ മുഖ്യപ്രബന്ധം അവതരിപ്പിച്ചു. അഡ്വ. പി. പരമേശ്വരന്, ഡോ. വി.കെ. വിജയന്, വടക്കുമ്പാട് നാരായണന്, ഡോ.കെ.എ. രവീന്ദ്രന് എന്നിവര് പ്രസംഗിച്ചു.
റിട്ട. പ്രൊഫ. കെ.ശ്രീനിവാസന് അദ്ധ്യക്ഷത വഹിച്ചു. ഈശോവാസ്യോപനിഷത്തിന് മുനിനാരായണപ്രസാദിന്റെ വ്യാഖ്യാനത്തെക്കുറിച്ച് ഡോ. കെ.പി. ശ്രീദേവി, സര്ജ്ഞാത്മമുനിയുടെ അദ്വൈതചിന്തകളെക്കുറിച്ച് ഡോ.കെ. മുത്തുലക്ഷ്മി, ചട്ടമ്പിസ്വാമികളെക്കുറിച്ച് ഡോ.എല്. സുലോചനാദേവി, കേരളത്തിലെ ഭാഗവത പാരമ്പര്യത്തെക്കുറിച്ച് ഡോ. എം. വിജയകുമാര് എന്നിവര് പ്രബന്ധങ്ങള് അവതരിപ്പിച്ചു. വര്ക്കല ശ്രീനാരായണഗുരുകുലം അധിപതി മുനി നാരായണപ്രസാദ് പങ്കെടുത്ത സംവാദവുമുണ്ടായി.
