കോട്ടയം: മനസ്സിനും ശരീരത്തിനും ലഭിച്ച പുത്തന് ഉണര്വുമായി ആയിരങ്ങള് അന്തരാഷ്ട യോഗാദിനം ആചരിച്ചു. മനസ്സിനെയും ശ്വാസത്തെയും ഏകാഗ്രതയോടെ നിയന്ത്രിച്ച് യോഗാഭ്യാസം നടത്താന് പ്രായഭേദമന്യേ ആളുകള് ഉത്സാഹിച്ചു. ജില്ലയില് വിദ്യാലയങ്ങള്, വിവിധ സ്ഥാപനങ്ങള്, സംഘടനകള്, യോഗാപഠന കേന്ദ്രങ്ങള് എന്നിവയുടെ ആഭിമുഖ്യത്തിലായിരുന്നു പരിപാടി സംഘടിപ്പിച്ചത്.
കെപിഎസ് മേനോന് ഹാളില് യോഗാപ്രദര്ശനത്തിലും പരിശീലനത്തിലും ധാരാളം പേര് പങ്കെടുത്തു. സേവാഭാരതിയും കോട്ടയം പബ്ലിക്ക് ലൈബ്രറിയും സ്വാമി വിവേകാനന്ദ വിദ്യാപീഠവും സംയുക്തമായിട്ടാണ് പരിപാടി സംഘടിപ്പിച്ചത്. കോട്ടയം മെഡിക്കല് കോളേജ് സൂപ്രണ്ട് ഡോ. ജയകുമാര് പരിപാടി ഉദ്ഘാടനം ചെയ്തു. യോഗസാധക് ശങ്കരന് യോഗപരിശീലനത്തിന് നേതൃത്വം നല്കി.
