ടെല് അവീവ്: വെസ്റ്റ് ബാങ്കിലെ അധിനിവേശ ഭൂമിയില് നാലായിരത്തിലേറെ വീടുകള് നിര്മ്മിച്ച് കുടിയേറിയ നടപടിക്ക് ഇസ്രായേല് പാര്ലമെന്റിന്റെ അംഗീകാരം. കുടിയേറ്റത്തിന് അംഗീകാരം നല്കുന്ന വിവാദ ബില് ഇസ്രായേല് പാര്ലമെന്റ് 52 നെതിരെ 60 വോട്ടുകള്ക്ക് പാസാക്കി.
ഈ ഭൂമി നേരത്തെ പാലസ്തീനികളുടേതായിരുന്നു. ഇവര്ക്ക് നഷ്ടപരിഹാരമോ പകരം ഭൂമിയോ നല്കാന് പുതിയ ബില്ലില് വ്യവസ്ഥയുണ്ട്. ഇസ്രായേലിന്റെ സഖ്യരാജ്യമായ അമേരിക്കയിലെ ഒബാമ ഭരണകൂടം ബില്ലിനെതിരായിരുന്നു. എന്നാല് ട്രംപ് വന്നതോടെ എതിര്പ്പ് മാറി. തുടര്ന്നാണ് അന്താരാഷ്ട്ര തലത്തില് വലിയ എതിര്പ്പുകള് ഉണ്ടായിട്ടും നിയമം പാസാക്കിയത്.
ബില്ലില് ഇസ്രായേലില് തന്നെ എതിര്പ്പുണ്ട്.
ബില് ഭരണ ഘടനാ വിരുദ്ധമാണെന്നും സുപ്രീംകോടതിയില് താന് ബില്ലിന് അനുകൂലമായി വാദിക്കില്ലെന്നും അറ്റോര്ണി ജനറല് അവിച്ചായി മാന്ഡല്ബ്ളിറ്റ് പറഞ്ഞു. വെസ്റ്റ് ബാങ്ക് ഇസ്രായേലിന്റെ ഭൂമിയാണ്. ബില്ലിന്മേലുള്ള ചര്ച്ചക്കിടെ മന്ത്രി ഒഫീര് അക്കുനിസ് പറഞ്ഞു.
പുതിയ ബില് പാലസ്തീനുമായുള്ള വഴക്ക് വര്ദ്ധിപ്പിക്കും, സംഘര്ഷം കൂടാനേ ഇത് ഉപകരിക്കൂ. പ്രതിപക്ഷം ആരോപിച്ചു.
