കാലിഫോര്ണിയ: അണക്കെട്ട് തകരുമെന്ന ഭീതിയെ തുടര്ന്ന് യുഎസിലെ കാലിഫോര്ണിയയില് ആളുകളെ ഒഴിപ്പിക്കുന്നു. വടക്കന് കാലിഫോര്ണിയയിലെ ഒറോവില്ലി അണക്കെട്ടാണ് പൊട്ടുമെന്ന നിലയില് നിലകൊള്ളുന്നത്.
അണക്കെട്ടിലെ എമര്ജന്സി സ്പില്വെ ഏതുനിമിഷവും തകരുമെന്ന അധികൃതരുടെ മുന്നറിയിപ്പിനെ തുടര്ന്ന് സമീപവാസികള് എത്രയും വേഗം പ്രദേശത്ത് നിന്ന് ഒഴിഞ്ഞു പോകണമെന്ന് പോലീസ് അറിയിച്ചിട്ടുണ്ട്.
ശക്തമായ മഴയും മഞ്ഞുവീഴ്ചയുമാണ് അണക്കെട്ടിനെ ദുര്ബലാവസ്ഥയിലാക്കിയത്. ഏതാനും വര്ഷങ്ങളായുള്ള കടുത്ത വരള്ച്ചക്കു ശേഷമാണ് പ്രദേശത്ത് ശക്തമായ മഴയും മഞ്ഞുവീഴ്ചയും ഉണ്ടാകുന്നത്. ഇതിനെ തുടര്ന്ന് അണക്കെട്ടിലെ ജലനിരപ്പ് ക്രമാതീതമായി ഉയര്ന്നു. ജലനിരപ്പ് ഉയര്ന്നതിനെ തുടര്ന്ന് പ്രധാന സ്പില്വേയിലൂടെ സെക്കന്ഡില് 100, 000 ഘനയടി വെള്ളമാണ് സമീപത്തെ തടാകത്തിലേക്ക് ഒഴുക്കിവിടുന്നത്.
അമ്പത് വര്ഷം പഴക്കമുള്ള അണക്കെട്ടിന്റെ ചരിത്രത്തില് ആദ്യസംഭവമാണിത്.
