ചങ്ങനാശേരി: ഗവണ്മെന്റ് ഹൈസ്കൂളില് കിണറ്റിലെ വെള്ളം തിളയ്ക്കുന്നതായി കണ്ടെത്തി. രാവിലെ വെള്ളം കോരാനായി ചെന്ന ജീവനക്കാര് കിണറ്റില് നിന്നും ആവി ഉയരുന്നത് കണ്ടു. തുടര്ന്ന് കിണറ്റില് നിന്നും കോരിയെടുത്ത വെള്ളത്തിന് ശക്തിയായ ചൂടുമുണ്ടായി. അധ്യാപകര് വിവരമറിയിച്ചതനുസരിച്ച് നഗരസഭാ ആരോഗ്യവിഭാഗത്തില് നിന്നും ആരോഗ്യവകുപ്പില് നിന്നും ആളുകളെത്തി പരിശോധന നടത്തി. കിണറ്റിലെ വെള്ളത്തിന്റെ സാമ്പിള് ശേഖരിച്ച് തിരുവല്ലയിലെ ലാബിലേയ്ക്കയച്ചു.
ഉച്ചയ്ക്ക് ശേഷം ഭൂജലവകുപ്പധികൃതരും സ്ഥലത്തെത്തി.സമീപത്തുള്ള കുഴല് കിണറുകളിലുണ്ടാകുന്ന വ്യതിയാനത്തെ തുടര്ന്ന് വേണമെങ്കില് ഇത്തരം പ്രതിഭാസത്തിന് കാരണമാകാമെന്നും.
വെള്ളത്തിനടിയില് ഉണ്ടായിരുന്ന മോട്ടറിന്റെ കോയില് പഴുത്ത് വെള്ളത്തിന് ചൂടുപിടിക്കാമെന്നും ഭൂജല വകുപ്പധികൃതര് പറഞ്ഞു. ഭൂമിക്കടിയില് ഭൂകമ്പത്തിന്റെ സാധ്യതയുടെ സൂചനയോ, കിണര് ഇടിഞ്ഞുതാഴാനുള്ള സാധ്യതയോ ആണിതെന്നും അവര് പറഞ്ഞു. രണ്ടു ദിവസത്തേയ്ക്ക് കിണറിന് സമീപത്തേയ്ക്ക് കുട്ടികളോയോ മറ്റുള്ളവരെയോ വിടരുതെന്നും അവര് മുന്നറിയിപ്പ് നല്കി.
