കൊച്ചി: നാലുവര്ഷത്തിനുള്ളില് കേരളത്തിലേക്കുള്ള ആഭ്യന്തര വിനോദസഞ്ചാരികളുടെ എണ്ണം ഇരട്ടിയാക്കാനാണ് ലക്ഷ്യമെന്ന് ടൂറിസം മന്ത്രി കടകംപള്ളി സുരേന്ദ്രന്. കൊച്ചിയില് ഇന്റര്നാഷണല് കോണ്ഫറന്സ് ഓണ് ടൂറിസം ടെക്നോളജി സമ്മേളനം ഉദ്ഘാടനം ചെയ്യുകയായിരുന്നു.
വിദേശ ടൂറിസ്റ്റുകളുടെ എണ്ണം 50 % വര്ധിപ്പിക്കാനും ലക്ഷ്യമിടുന്നുണ്ട്. ടൂറിസം രംഗത്ത് സൗകര്യങ്ങള് വര്ധിപ്പിക്കുന്നത് പ്രദേശവാസികളെക്കൂടി ഉള്ക്കൊള്ളിച്ചു കൊണ്ടാകണം. ടൂറിസ്റ്റ് കേന്ദ്രങ്ങളിലെ ഡിജിറ്റല് സംവിധാനങ്ങള് മെച്ചപ്പെടുത്തണം. പ്രദേശവാസികളില് ഡിജിറ്റല് സാക്ഷരത ഉണ്ടാക്കുകയും അവരുടെ നൈപുണ്യ വികസനം ലക്ഷ്യം വച്ചുള്ള പദ്ധതികള് നടപ്പാക്കുകയും വേണം, മന്ത്രി പറഞ്ഞു.
മദ്യനിരോധനം വന്നതോടെ കേരളത്തിന് തിരിച്ചടി നേരിട്ടു. പുതിയ മദ്യനയം സ്ഥിതിഗതികള്ക്ക് മാറ്റമുണ്ടാക്കുമെന്നാണ് പ്രതീക്ഷ, മന്ത്രി പറഞ്ഞു. ഹൈബി ഈഡന് എംല്എ, സംസാരിച്ചു. ്വിറ്റര് ഹാഷ്ടാഗ് പ്രചാരണത്തിന്റെ ഉദ്ഘാടനം ടൂറിസം പ്രിന്സിപ്പല് സെക്രട്ടറി ഡോ. വേണു വി. നിര്വഹിച്ചു. ഫേസ്ബുക്ക് പ്രചാരണം ടൂറിസം ഡയറക്ടര് ബാല കിരണ് ഉദ്ഘാടനം ചെയ്തു.
