അമ്പലപ്പുഴ: അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിലെ പതക്കം നഷ്ടപ്പെട്ട സംഭവത്തില് കുറ്റക്കാരായ ജീവനക്കാരെ സസ്പെന്ഡു ചെയ്യണമെന്നാവശ്യപ്പെട്ട് സമര സമിതി പ്രതിഷേധ മാര്ച്ചും ധര്ണയും നടത്തി.
അമ്പലപ്പുഴ ദേവസ്വം അസി. കമ്മീഷണര് ഓഫീസിനു മുന്നിലാണ് ധര്ണ നടത്തിയത്. പതക്കം നഷ്ടപ്പെട്ട് ഒരു മാസത്തിനു ശേഷം ഇവകാണിക്കവഞ്ചികളില് നിന്ന് ലഭിച്ചിരുന്നു. ഇതുകഴിഞ്ഞ് ഒരുമാസം പിന്നിട്ടിട്ടും പ്രതികളെ പിടികൂടാന് അന്വേഷണ സംഘത്തിന് കഴിഞ്ഞില്ല.
കുറ്റക്കാരായ ജീവനക്കാരെ സംരക്ഷിക്കുന്ന നിലപാടാണ് ദേവസ്വം ബോര്ഡും സ്വീകരിക്കുന്നത്. കുറ്റക്കാരെ അടിയന്തരമായി സസ്പെന്ഡു ചെയ്യണമെന്നും പ്രതികളെ ഉടന് പിടികൂടണമെന്നും ആവശ്യപ്പെട്ടാണ് സമരസമിതിയുടെ നേതൃത്വത്തില് ധര്ണ സംഘടിപ്പിച്ചത്.
സമരത്തിന്റെ അടുത്ത ഘട്ടമായി അമ്പലപ്പുഴയില് ഹര്ത്താല് നടത്താനും സമിതി തീരുമാനിച്ചു. സമര സമിതി ജന. കണ്വീനര് അനില് പാഞ്ചജന്യം, ധര്ണ ഉദ്ഘാടനം ചെയ്തു.
ശങ്കരന് നായര്, എല്.പി. ജയചന്ദ്രന്, ഡി. സുഭാഷ്, മനോജ്കുമാര്, ഉണ്ണികൃഷ്ണന്, ശ്രീകുമാര്, ബിജു തുടങ്ങിയവര് ധര്ണയ്ക്ക് നേതൃത്വം നല്കി.
