പരപ്പനങ്ങാടി: പരിയാപുരം പ്രദേശത്ത് സ്ഥാപിക്കാനുദ്ദേശിക്കുന്ന ഐഐഎസ്ടി കോളേജിനെതിരെ പ്രദേശവാസികളുടെ പ്രതിഷേധം കൂടുതല് ശക്തമാകുന്നു.
നിര്ദ്ദിഷ്ട ഐഐഎസ്ടി പ്രദേശം അളന്നുതിട്ടപ്പെടുത്താന് ജില്ലാ കളക്ടറും റവന്യൂ സംഘവും ഇന്നലെ എത്തുമെന്നറിഞ്ഞതിനാല് നൂറുകണക്കിന് ആളുകള് തടിച്ചുകുടിയിരുന്നു. അമ്മമാരടക്കം കണ്ണിരോടെയാണ് കളക്ടറെ കാത്തിരുന്നത്. ഈ പ്രദേശത്തെ ഹൈന്ദവ ജനവിഭാഗത്തെ പൂര്ണമായും കുടിയൊഴിപ്പിച്ചുകൊണ്ടുള്ള ഭൂമി ഏറ്റെടുക്കലിനെതിരെ ഹിന്ദുഐക്യവേദിയും പ്രതിഷേധവുമായി രംഗത്തുണ്ട്.
കൃഷിഭൂമികളും കാവും ക്ഷേത്രങ്ങളും ജനവാസമേഖലയുമായ ഈ പ്രദേശത്ത് തന്നെ ഐഐഎസ്ടി സ്ഥാപിക്കണമെന്ന പിടിവാശി ഉപേക്ഷിക്കണമെന്ന് ഹിന്ദു ഐക്യവേദി നേതാക്കളും പ്രദേശവാസികളും അധികൃതരോട് അഭ്യര്ത്ഥിച്ചു. കളക്ടറും റവന്യൂ സംഘവും ഇന്നലെയെത്തിയില്ലെങ്കിലും ഇവരെ പ്രതീക്ഷിച്ച് പരിയാപുരം പ്രദേശവാസികള് ഒന്നടങ്കം പരാതിയും പരിവേദനങ്ങളുമായി കാത്തിരിപ്പാണ്. ജനിച്ച മണ്ണില് ജീവിക്കാനുള്ള അവകാശം സംരക്ഷിക്കാനായുള്ള കാത്തിരിപ്പ്.
