ആലപ്പുഴ: ജലസംരക്ഷണ പ്രവര്ത്തനങ്ങള് ഏറ്റെടുത്ത് ജലസ്വരാജ് പ്രസ്ഥാനം ആരംഭിച്ച ബിജെപി രാഷ്ട്രീയ പാര്ട്ടികള്ക്ക് മാതൃകയാണെന്ന് കുട്ടനാട് വികസന സമിതി എക്സി. ഡയറക്ടര് ഫാ. തോമസ് പീലിയാനിക്കല്.
ജലസ്വരാജ് വൃക്ഷത്തൈകളുടെ നടീല് ജില്ലാതല ഉദ്ഘാടനം തോണ്ടന്കുളങ്ങര ക്ഷേത്രത്തില് ഉദ്ഘാടനം ചെയ്യുകയായിരുന്നു അദ്ദേഹം. ജലസംരക്ഷണം, പരിസ്ഥിതി സംരക്ഷണപ്രവര്ത്തനം എന്നിവ ആദ്യം ഏറ്റെടുത്തത് അഭിനന്ദനാര്ഹമാണ്.
ഭാവിയുടെ ആവശ്യകത മുന്നില് കണ്ട് നടത്തുന്ന പ്രവര്ത്തനങ്ങള് പൊതുസമൂഹം ഏറ്റെടുക്കുമെന്ന കാര്യത്തില് സംശയമില്ലെന്നും അദ്ദേഹം പറഞ്ഞു. ക്ഷേത്രം മേല്ശാന്തി നാരായണന് നമ്പൂതിരിയും, ഫാ. പീലിയാനിക്കലും ചേര്ന്ന് ചന്ദനമരത്തെ നട്ടാണ് ഉദ്ഘാടനം ചെയ്തത്. ബിജെപി ജില്ലാ പ്രസിഡന്റ് കെ. സോമന് അദ്ധ്യക്ഷത വഹിച്ചു.
ജില്ലാ ജനറല് സെക്രട്ടറി ഡി. അശ്വനിദേവ്, ജലസ്വരാജ് കോര്ഡിനേറ്റര് എം. വി. ഗോപകുമാര്, പ്രമോദ് കാരക്കാട്, കെ. ജി. കര്ത്ത, ജി. വിനോദ് കുമാര്, ഗീതാരാംദാസ്, അഡ്വ. രണ്ജിത് ശ്രീനിവാസ്, ടി. വിനോദ് കുമാര്, യു. കെ. സോമന്, കെ. സി. ജാനകീറാം, തുടങ്ങിയവര് പങ്കെടുത്തു.
നിയോജകമണ്ഡലം, പഞ്ചായത്ത്, ബൂത്ത് തലങ്ങളില് വൃക്ഷത്തൈ നടീല്, മഴക്കുഴി നിര്മ്മാണം എന്നിവ ഇന്നു മുതല് 15 വരെ നടക്കും.
