ഗുരുവായൂര്: അതേസമയം ഹൈക്കോടതി വിധി നടപ്പിലാക്കാന് മലബാര് ദേവസ്വം ബോര്ഡ് അധികൃതര് എത്തിയില്ല. ക്ഷേത്രം ഏറ്റെടുത്ത നടപടി ശരിയായില്ലെന്നും ദേവസ്വം ബോര്ഡ് എറ്റെടുത്തതിനു ശേഷം ബലമായി എടുത്തു കൊണ്ടുപോയ തിരുവാഭരണ ബള് അടക്കമുള്ള സാധനങ്ങള് ഭരണ സംഘത്തെ തിരിച്ചേല്പ്പിക്കണമെന്നുമായിരുന്നു വിധി. ഇതു പ്രകാരം ക്ഷേത്രത്തിലെത്തിയ ഭരണസംഘം ഭാരവാഹികളെ വസതുക്കള് ഏല്പ്പിക്കുവാന് മലബാര് ദേവസ്വം ബോര്ഡിന്റെ ചുമതലക്കാര് ആരും എത്തിയില്ല.
പാര്ത്ഥസാരഥി ക്ഷേത്രം ഭക്തജനങ്ങള് തിരിച്ചു നല്കണമെന്ന കോടതി വിധിയെ സ്വാഗതം ചെയ്തു കൊണ്ട് വിവിധ ഹൈന്ദവ സംഘടനകളുടെ നേതൃത്വത്തില് നാമ ജപ ഘോഷയാത്ര നടത്തി. ഗുരുവായൂര് കിഴക്കേനട മഞ്ചുളാല് പരിസരത്തു നിന്ന് ആരംഭിച്ച നാമജപ ഘോഷയാത്ര പാര്ത്ഥസാരഥി ക്ഷേത്രത്തില് സമാപിച്ചു. നൂറു കണക്കിന് ഭക്തജനങ്ങള് പങ്കെടുത്ത ഘോഷയാത്രക്ക് ഹിന്ദു ഐക്യവേദി സംസ്ഥാന സെക്രട്ടറി പി.സുധാകരന്, ജില്ല സെക്രട്ടറി പ്രസാദ് കാക്കശ്ശേരി, ജില്ല സഹകാര്യവാഹ് സുരേഷ് പാലുവായ്, പാര്ത്ഥസാരഥി ക്ഷേത്ര വിമോചന സമിതി കണ്വീനര് വി.മുരളീധരന്, പുഷ്പപ്രസാദ്, ടി.കെ.ഹരിനാരായണന് തുടങ്ങിയവര് നേതൃത്വം നല്കി.
