ചെറുതുരുത്തി: പരിസ്ഥിതി പ്രവര്ത്തകനും പുതുശ്ശേരി കരുവാന്പടി കൂട്ടുകൃഷി സംഘം വൈസ്.പ്രസിഡണ്ടുമായ പള്ളിക്കല് കോക്കൂരി കളത്തില് കെ.കെ.രാമചന്ദ്രനെ മര്ദ്ദിച്ച സംഭവത്തില്, വള്ളത്തോള് നഗര് പഞ്ചായത്തിലെ വാര്ഡ് മെമ്പര്മാര് അടക്കമുള്ള സി.പി.എം നേതാക്കള്ക്കെതിരെ ചെറുതുരുത്തി പോലീസ് കേസെടുത്തു.
വള്ളത്തോള് നഗര് പഞ്ചായത്ത് വൈസ് പ്രസിഡണ്ടും സിപിഎം ഏരിയ കമ്മിറ്റി മെമ്പറുമായ എം.സുലൈമാന്, സിപിഎം ലോക്കല് കമ്മിറ്റി സെക്രട്ടറി ഷെയ്ക്ക് അബ്ദുള് ഖാദര്, പഞ്ചായത്ത് മെമ്പര്മാരായ ഗിരീഷ് കുമാര്, ഇ.കെ.അലി, ലോക്കല് കമ്മിറ്റി മെമ്പര്മാരായ മോഹനന്, കെ.ബി.അഹമ്മദ്, കെ.പി.രാധാകൃഷ്ണന്, പ്രവര്ത്തകന് മൊയ്തീന് എന്നിവര്ക്കെതിരെയാണ് കേസെടുത്തിട്ടുള്ളത്.
ഇതില് കെ.ആര്.ഗിരീഷ്, ഷെയ്ക്ക് അബ്ദുള് ഖാദര് , എം.സുലൈമാന്, ഇ.കെ.അലി, കെ.പി.രാധാകൃഷ്ണന് എന്നിവര് ചെറുതുരുത്തി സര്വ്വീസ് സഹകരണ ബാങ്ക് ജീവനക്കാരാണ്. നിരവധി കേസുകളില് പ്രതിയായിട്ടുള്ള മെമ്പര് ഗിരീഷ്, രാമചന്ദ്രനെ മര്ദ്ദിക്കുന്ന ദൃശ്യങ്ങളാണ് കഴിഞ്ഞ ദിവസങ്ങളില്, ദൃശ്യ മാധ്യമങ്ങളില് വന്ന ത്. പ്രതികളെ ഉടന് അറസ്റ്റ് ചെയ്യുമെന്ന് ചെറുതുരുത്തി എസ്.ഐ. പത്മരാജന് അറിയിച്ചു.
