കെ.പി. ശശികല നയിക്കുന്ന ഹിന്ദു അവകാശ സംരക്ഷണ യാത്രക്ക് ചേര്ത്തലയില് നല്കിയ സ്വീകരണം ശ്രീരാമവിലാസം ചേളമര് സൊസൈറ്റി സംസ്ഥാന ജനറല് സെക്രട്ടറി വി.ആര്. സത്യവ്രതന് ഉദ്ഘാടനം
ചെയ്യുന്നു. പി. ഉഷാകുമാരി, സി.എന്. രവീന്ദ്രന്, കെ. കണ്ണന്, കടവില് രവി, വി. പത്മനാഭന്,
കെ.പി.ശശികല, കെ.എസ്. രാജേന്ദ്രന്, ഇ.എസ്. ബിജു തുടങ്ങിയവര് സമീപം.
ചേര്ത്തല: മതരാഷ്ട്രീയ കക്ഷികള്ക്കു മുന്നില് ഓശാനപാടാന് നില്ക്കാത്ത പോലീസ് സേനയും ഭരണസംവിധാനവുമാണ് നാടിന് ആവശ്യമെന്ന് ഹിന്ദു ഐക്യവേദി സംസ്ഥാന അദ്ധ്യക്ഷ കെ.പി. ശശികല. ഹിന്ദു അവകാശ സംരക്ഷണയാത്രക്ക് ചേര്ത്തലയില് നല്കിയ സ്വീകരണ സമ്മേളനത്തില് സംസാരിക്കുകയായിരുന്നു അവര്.
നേതാക്കളുടെ ആജ്ഞാനുവര്ത്തികളായ പോലീസുകാരില് നിന്ന് സാധാരണക്കാരന് നീതി ലഭിക്കില്ല. ആരുടെയും ആനുകൂല്യങ്ങള് കവരാനല്ല മറ്റു മതസ്ഥരെ പോലെ ജീവിക്കാനും പിറന്ന നാട്ടില് നിന്ന് കുടിയൊഴിപ്പിക്കപ്പെടാതിരിക്കാനുമായാണ് പോരാട്ടം നടത്തുന്നത്.
ഭൂപരിഷ്ക്കരണം നടപ്പാക്കിയ നാട്ടില് ഭൂമിക്കായി ജനങ്ങള് സമരം ചെയ്യേണ്ടിവരുന്നത് ലജ്ജാകരമാണ്. ഇനി ഒരു ക്ഷേത്രവും ഏറ്റെടുക്കാനുള്ള സര്ക്കാരിന്റെ നീക്കം അനുവദിക്കില്ല.
ജില്ലാ പ്രസിഡന്റ് അഡ്വ. ജി. ബാലഗോപാല് അദ്ധ്യക്ഷനായി. ശ്രീരാമവിലാസം ചവളര് സൊസൈറ്റി സംസ്ഥാന ജനറല് സെക്രട്ടറി വി. ആര്. സത്യവാന് ഉദ്ഘാടനം ചെയ്തു.
ഹിന്ദു ഐക്യവേദി സംസ്ഥാന സെക്രട്ടറി കെ. പ്രഭാകരന് മുഖ്യപ്രഭാഷണം നടത്തി.
സംസ്ഥാന ജനറല് സെക്രട്ടറി ഇ.എസ്. ബിജു, വൈസ് പ്രസിഡന്റ് അഡ്വ. വി. പത്മനാഭന്, പി.ആര്. ശിവരാജന്, കെ.വി. ശിവന്, വി. സുശികുമാര്, അഡ്വ. വി.എസ്. രാജന്, എസ്. വിനോദ്, കടവില് രവി, സി.എന്. രവീന്ദ്രന്, കെ. കണ്ണന്, കെ.എസ്. രാജേന്ദ്രന്, കെ.ആര്. സുബ്രഹ്മണ്യന്, ടി.ജി. മുരളീധരന്, ഇ.പി. ഗോവിന്ദരാജ് എന്നിവര് പ്രസംഗിച്ചു.
