നീലേശ്വരം: 90 ലിറ്റര് മാഹി മദ്യവുമായി ഓട്ടോ റിക്ഷാഡ്രൈവറെ നീലേശ്വരം എക്സൈസ് അധികൃതര് പള്ളിക്കര തോട്ടും പുറത്തെ നാരായണന്റെ മകന് എം.പി.സജീവനെയാണ് നീലേശ്വരം റെയ്ഞ്ച് അസി.എക്സൈസ് ഇന്സ്പെകടര് പി.ഗോവിന്ദന് കീലത്തും സംഘവും അറസ്റ്റ് ചെയ്തത്. എക്സൈസിനെ വെട്ടിച്ച് കടന്ന സജീവനെ കരുവാച്ചേരിയില് വെച്ച് ആസൂത്രിതമായാണ് പിടികൂടിയത്. ഇയാളുടെ കൂട്ടു പ്രതി മടിക്കൈ നാരയിലെ ബിജു എക്സൈസിന്റെ പിടിയില് നിന്നും രക്ഷപ്പെട്ടു. ഇയാളെ കണ്ടെത്താന് ശ്രമം തുടരുന്നു. സിവില് എക്സൈസ് ഓഫീസര്മാരായ പി.കെ.ബാബുരാജ്, പി.സുരേശന്, കെ.ആര്.പ്രജിത്ത് എന്നിവരും സംഘത്തിലുണ്ടായിരുന്നു. നിരവധി അബ്കാരി കേസുകളില് പ്രതിയായ സജീവന് ജില്ലയിലെ വ്യാജ മദ്യക്കടത്തുകളില് പ്രമുഖനാണ്. നീലേശ്വരത്ത് നിന്നും നിരവധി തവണ മദ്യവുമായി പലീസും എക്സൈസും അറസ്റ്റ് ചെയ്തിട്ടുണ്ട്. രണ്ടു ദിവസം മുമ്പ് മാഹിയില് നിന്നും ഓട്ടോറിക്ഷയില് മദ്യം കടത്തുന്നതിനിടയില് പരിയാരം മെഡിക്കല് കോളേജാശുപത്രിക്ക് സമീപം വെച്ച് ഇയാളെ പരിയാരം മെഡിക്കല്കോളേജ് പോലീസ് അറസറ്റ് ചെയ്തിരുന്നു. പിന്നീട് ജാമ്യത്തിലിറങ്ങി മദ്യം വില്പ്പനക്കിടയിലാണ് വീണ്ടും അറസ്റ്റിലായത്. ഇയാളെ ഹോസ്ദുര്ഗ് കോടതി റിമാന്റ് ചെയ്തു.
90 ലിറ്റര് മാഹി മദ്യവുമായി ഓട്ടോഡ്രൈവര് അറസ്റ്റില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.