കണ്ണൂര്: വിവിധ ആവശ്യങ്ങളുന്നയിച്ച് അഞ്ചുമുതല് കണ്ണൂര് നഗരത്തിലെ ഓട്ടോറിക്ഷാ തൊഴിലാളികള് അനിശ്ചിതകാല സത്യഗ്രഹം നടത്തും. കെഎംസി, കെസി നമ്പറുമായി ബന്ധപ്പെട്ട് കണ്ണൂര് നഗരത്തില് ഓട്ടോറിക്ഷാ തൊഴിലാളികള്ക്കിടയില് ഉയര്ന്നുവന്നിട്ടുള്ള പ്രശ്നങ്ങള്ക്ക് പരിഹാരം കണ്ടെത്തന് അധികൃതര്ക്ക് കഴിഞ്ഞിട്ടില്ല. കോര്പ്പറേഷന് തീരുമാനപ്രകാരം കണ്ണൂര് ആര്ടിഒ കോര്പ്പറേഷന് പരിധിയിലെ എല്ലാ ഓട്ടോകള്ക്കും കെസി നമ്പര് നല്കിവരികയാണ്.
പാര്ക്കിംഗ്, കൂലി, സര്വ്വീസ് തുടങ്ങിയ കാര്യങ്ങളില് ഒരു വ്യക്തതയുമില്ലാതെയാണ് ആര്ടിഒ നടപടി. ഏത് ഓട്ടോക്കും എവിടെയും പാര്ക്ക് ചെയ്ത് സര്വ്വീസ് നടത്താമെന്ന ആര്ടിഒ നിലപാട് പെര്മിറ്റ് വ്യവസ്ഥകള്ക്ക് വിരുദ്ദമാണ്. ഓട്ടോകള്ക്ക് മതിയായ പാര്ക്കിംഗ് സൗകര്യം ഒരുക്കണമെന്ന ഹൈക്കോടതി ഉത്തരവ് നടപ്പാക്കാന് കോര്പ്പറേഷന് ഭരണാധികാരികള്ക്ക് കഴിഞ്ഞിട്ടില്ല. ഇതിനിടയിലാണ് ടൗണിന് പുറത്ത് പാര്ക്കിംഗ് പെര്മിറ്റുള്ള ഓട്ടോറിക്ഷകള്ക്ക് കെസി നമ്പര് നല്കി നഗരത്തിലെപരിമിതമായ സൗകര്യങ്ങളുള്ള ഓട്ടോസ്റ്റാന്റുകളില് പാര്ക്കിംഗ് സൗകര്യം അനുവദിക്കുന്നത്.
ആര്ടിഒവിന്റെ ഈ നടപടിക്കെതിരെയാണ് തൊഴിലാളികല് പ്രക്ഷോഭവുമായി രംഗത്തെത്തിയിട്ടുള്ളത്. പെര്മിറ്റില് അനുവദിച്ച പാര്ക്കിംഗ് സ്ഥലത്തുമാത്രം ഓട്ടോറിക്ഷകള് പാര്ക്ക് ചെയ്യാന് നടപടിയെടുക്കുക, കണ്ണൂര് ടൗണില് പാര്ക്കിംഗ് പെര്മിറ്റുള്ള ഓട്ടോറിക്ഷകളുടെ കെഎംസി നമ്പര് നിലനിര്ത്തുക, കെഎംസി ഒഴിവാക്കി കെസി എന്നാക്കാന് തീരുമാനിക്കുന്നവെങ്കില് ഇത്തരം ഓട്ടോറിക്ഷകള്ക്ക് ടൗണ് പെര്മിറ്റ് നല്കുക, ഇത്തരം വാഹനങ്ങളെ തിരിച്ചറിയാന് മുന്വശം കൂടുതല് മഞ്ഞനിറം അടിക്കുക, പഴയ പഞ്ചായത്ത് പ്രദേശങ്ങളില് പാര്ക്കിംഗ് അനുമതിയുള്ള ഓട്ടോകള്ക്ക് കെസിനമ്പര് നല്കുമ്പോള് പാര്ക്കിംഗ് അനുമതിയുള്ള സ്ഥലവും ഓട്ടോറിക്ഷയില് രേഖപ്പെടുത്തി പാര്ക്കിംഗ് ക്രമീകരിക്കുക, ഓട്ടോറിക്ഷകള്ക്ക് മതിയായ പാര്ക്കിംഗ് സൗകര്യമൊരുക്കാന് കോര്പ്പറേഷന് നിര്ദ്ദേശം നല്കുക, ഇതിനായി ആര്ടിഒയുടെയും ട്രാഫിക് അഡൈ്വറി ബോര്ഡിന്റെയും അംഗീകാരം നല്കുക ഓട്ടോറിക്ഷകള്ക്ക് നനിലവിലുള്ള ടൗണ് പരിധി നില്നിര്ത്തുക, പ്രീപെയ്ഡ് സമ്പ്രദായം കാര്യക്ഷമമാക്കുക തുടങ്ങിയ ആവശ്യങ്ങളുന്നയിച്ചാണ് സംയുക്ത തൊഴിലാളി യൂണിയന് പ്രക്ഷോഭവുമായി മുന്നോട്ടുപോകുന്നത്.
പ്രതികരിക്കാൻ ഇവിടെ എഴുതുക: