ഇരിങ്ങാലക്കുട: ക്രൈസ്റ്റ് എഞ്ചിനിയറിംഗ് കോളേജിനു സമീപം ബസ് കയറി ബൈക്ക് യാത്രക്കാരന് മരിച്ചു. തിങ്കളാഴ്ച ഉച്ചതിരിഞ്ഞ് 2.30 നാണ് സംഭവം. ഇരിങ്ങാലക്കുട ആസാദ് റോഡിലുള്ള ജവഹര് ഫഌറ്റിലെ മനയ്ക്കല് സുന്ദരന് മകന് സുനീഷ് (20) ആണ് അപകടത്തില് മരിച്ചത്. എ.കെ.പി ജംഗ്ഷനു സമീപത്തു നിന്നു വരികയായിരുന്ന ബൈക്കില് ഇരിങ്ങാലക്കുട കൊടകര റൂട്ടില് ഓടുന്ന സൗപര്ണ്ണിക ബസ് തട്ടുകയായിരുന്നു.
ബസിനടിയിലേക്ക് വീണ സുനീഷിന്റെ ദേഹത്തൂടെ ചക്രങ്ങള് കയറിയിറങ്ങി മരണം സംഭവിക്കുകയായിരുന്നു. ബസ് ജീവനക്കാര് ഉടന് തന്നെ സംഭവസ്ഥലത്തു നിന്നും രക്ഷപ്പെട്ടു. രോക്ഷാകുലരായ നാട്ടുകാര് ബസ് തല്ലിത്തകര്ത്തു.ഇരിങ്ങാലക്കുട പോലീസ് സംഭവസ്ഥലത്തെത്തി മേല് നടപടികള് സ്വീകരിച്ചു. അമ്മ ഷീല, സഹോദരന് സുജീഷ്.
