പറക്കളായി: രണ്ട് മാസം മുമ്പ് സിപിഎം വിട്ട് ബിജെപിയില് ചേര്ന്ന് പ്രവര്ത്തകനെ സിപിഎം ക്രിമനല് സംഘം വധിക്കാന് ശ്രമിച്ചു. ബിജെപി പ്രവര്ത്തകനായ വയമ്പില് സ്വദേശി കൃപേഷിനെ വീട്ടില് നിന്നും ജോലിയുണ്ടെന്ന വ്യാജേന സിപിഎം പ്രവര്ത്തകനായ അമ്പലത്തറയിലെ രതീഷ് ഇരിയയിലേക്ക് കൊണ്ടു പോയി വധിക്കാന് ശ്രമിച്ചതായി പരാതി. അവിടെ വെച്ച് മാരകായുധങ്ങളുമായി വധിക്കാന് ശ്രമിക്കുകയും അക്രമിക്കുകയും ചെയ്തു. പ്രാണരക്ഷാര്ത്ഥം ഓടിയ കൃപേഷ് അതുവഴി വന്ന പോലീസ് വാഹനത്തില് അഭയം പ്രാപിക്കുകയായിരുന്നു. സമാധാനപരമായ ഒരു നാടിനെ അശാന്തിയുടെ വിളവിത്തുകള് പാകി ഒരു പ്രദേശത്തെ മുഴുവന് തന്നെ സംഘര്ഷഭൂമിയാക്കി മാറ്റാനുള്ള മാര്കിസ്റ്റ് പാര്ട്ടിയുടെ ഗൂഢനീക്കങ്ങള്ക്കെതിരെ ശക്തമായ പ്രതിഷേധം ഉയര്ന്നു വന്നിരിക്കുകയാണ്.
കൃപേഷിന് നേരെ നടന്ന അക്രമണത്തില് പ്രതിഷേധിച്ച് ഏഴാം മൈലില് നിന്ന് ഇരിയയിലേക്ക് പ്രതിഷേധ പ്രകടനം നടത്തി. തുടര്ന്ന് നടന്ന യോഗം ബിജെപി ജില്ലാ ജനറല് സെക്രട്ടറി എ.വേലായുധന് ഉദ്ഘാടനം ചെയ്തു. ബിജെപി ബൂത്ത് ജനരല് സെക്രട്ടറി പ്രതീഷ് പുതിയ കണ്ടം അദ്ധ്യ7ത വഹിച്ചു. മണ്ഡലം ജനറല് സെക്രട്ടറി പ്രേമരാജ് കാലിക്കടവ്, പഞ്ചായത്ത് കമ്മറ്റി പ്രസിഡണ്ട് ജയകുമാര് കാലിക്കടവ്, യുവമോര്ച്ച മണ്ഡ ലം ജനറല് സെക്രട്ടറി ശ്രീജിത്ത് പറക്ലായി തുടങ്ങിയവര് സംസാരിച്ചു.
