കോട്ടയം: ബിജെപിയുടെ ജനപ്രതിനിധികളെ ശാരീരികമായി ഇല്ലായ്മ ചെയ്യുവാനാണ് ഫാസിസ്റ്റുകളായ സിപിഎം ലക്ഷ്യമിടുന്നതെന്ന് ബിജെപി മധ്യമേഖലാ അദ്ധ്യക്ഷന് അഡ്വ. എന്. കെ. നാരായണന് നമ്പൂതിരി പറഞ്ഞു.
ജനാധിപത്യ ധ്വംസനത്തിനെതിരെ ജനപ്രതിനിധികളുടെ പ്രതിഷേധകൂട്ടായ്മ തിരുനക്കര ഗാന്ധിസ്ക്വയറില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ബിജെപിയുടെ ജനപ്രതിനിധികള് ജനങ്ങളുടെ ഇടയില് പ്രവര്ത്തിക്കുന്നവരാണ്. ജനങ്ങളുടെ പ്രശ്നങ്ങള് മനസിലാക്കി പരിഹാരം കാണുവാനാണ് ശ്രമിക്കുന്നത്. ജനാധിപത്യ പ്രക്രിയയിലൂടെയാണ് അവര് തെരഞ്ഞെടുക്കപ്പെട്ടത്. സ്വാതന്ത്ര്യസമരത്തെപ്പോലും പിന്നില്നിന്ന് കുത്തിയവരാണ് കമ്മ്യൂണിസ്റ്റുകള്. അവര്ക്ക് സ്വാതന്ത്ര്യത്തെക്കുറിച്ച് പറയാന് പോലും അവകാശമില്ല. ബിജെപിയുടെ പ്രവര്ത്തനം സിപിഎമ്മിന്റെ നിലനില്പ്പിനെപ്പോലും അപകടത്തിലാക്കുന്നുവെന്ന തിരിച്ചറിവാണ് അവര് ആക്രമത്തിലേക്ക് തിരിയുവാന് കാരണം.
കുമരകത്ത് ജനപ്രതിനിധികളെ സംഘംചേര്ന്ന് ആക്രമിച്ച് വധിക്കുവാന് ശ്രമിച്ചതിന്റെ കാരണവും ഇതാണ്. മറ്റാരെയും പ്രവര്ത്തിക്കുവാന് സമ്മതിക്കാത്തത് ഫാസിസ്റ്റുകളാണ്. ഇതിന് നേതൃത്വം കൊടുത്തവര് പരസ്യമായി നിരത്തിലൂടെ സഞ്ചരിക്കുന്നു. നടപടിയെടുക്കേണ്ട പോലീസ് കണ്ണടച്ച് അക്രമികളെ പ്രോത്സാഹിപ്പിക്കുന്നു.
സിപിഎം-പോലീസ് അവിഹിത ബന്ധം നാട്ടില് പാട്ടാണ്. ഓരോ അക്രമസംഭവം അരങ്ങേറുമ്പോഴും സിപിഎമ്മിന്റെ ഓരോ കോട്ടകളും തകരുകയാണ്. കേരളത്തില് സിപിഎം നടത്തുന്ന ഓരോ ആക്രമണവും ഒറ്റപ്പെട്ട സംഭവമാണെന്ന് മുഖ്യമന്ത്രി പറയുന്നു. ജനാധിപത്യ ധ്വംസനമാണ് കേരളത്തില് നടക്കുന്നത്. ഏകാധിപത്യവും ഫ്യൂഡലിസവും കൊണ്ടുവരാനുള്ള ശ്രമമാണ് സിപിഎമ്മിനുള്ളത്. ഇവരെ പ്രബുദ്ധരായ കേരളജനത ആട്ടിപ്പായിക്കുമെന്നും അദ്ദേഹം പറഞ്ഞു.
ബിജെപി ജില്ലാ പ്രസിഡന്റ് എന്.ഹരി അദ്ധ്യക്ഷത വഹിച്ചു. ആര്എസ്എസ് കാര്യകാരിസദസ്യന് അഡ്വ.എന്.ശങ്കര്റാം, ജില്ലാ ജനറല് സെക്രട്ടറി കെ.പി.സുരേഷ്, സെക്രട്ടറിമാരായ സി.എന്.സുഭാഷ്, കെ.പി.ഭുവനേശ്, സംസ്ഥാന സമിതിയംഗങ്ങളായ ടി.എന്.ഹരികുമാര്, കൃഷ്ണകുമാര് ചങ്ങനാശേരി, യുവമോര്ച്ച ജില്ലാ പ്രസിഡന്റ് അഖില് രവീന്ദ്രന്, , ബിഎംഎസ് ജില്ലാ പ്രസിഡന്റ് എന്.നളിനാക്ഷന് തുടങ്ങിയവര് സംസാരിച്ചു.
