കുറവിലങ്ങാട്: വൈക്കം പാലാ റൂട്ടില് സര്വ്വീസ് നടത്തുന്ന സ്വകാര്യ ബസ്സുകള് സ്റ്റാന്റില് കയറാത്തതിനാല് ബസുകയറുവാന് യാത്രക്കാരുടെ ഓട്ടപ്രദക്ഷിണമാണിവിടെ. ഇതുവഴി സര്വ്വീസ് നടത്തുന്ന മുഴുവന് ഓര്ഡിനറി ബസുകളും പഞ്ചായത്ത് ബസ്റ്റാന്റില് കയറി യാത്രക്കാരെ ഇറക്കുകയും കയറ്റുകയും ചെയ്യണമെന്ന ഉത്തരവ് കാറ്റില് പറത്തിയാണ് ഒരുവിഭാഗം സ്വാകര്യബസുകളും കെഎസ്ആര്ടിസി ബസുകളും സ്റ്റാന്റഇനുവെളിയില് എംസിറോഡില് നിര്ത്തി ആളിറക്കുകയും കയറ്റുകയും ചെയ്യുന്നത്. കൈക്കുഞ്ഞുങ്ങളുമായി സ്റ്റാന്റിനകത്ത് ബസ് കാത്തുനില്ക്കുന്ന സ്ത്രീകളടക്കമുളളവര്ക്ക് ഇത് വലിയ ബുദ്ധിമുട്ടുണ്ടാക്കുന്നു. പലപ്പോഴും ബസ് പല സ്ഥലങ്ങളിലായി നിര്ത്തുന്നതിനാല് കുട്ടികളുമായി സ്റ്റാന്റിലൂടെയുള്ള ഓട്ടം പലപ്പോഴും അപകടങ്ങള്ക്ക് കാരണമാകുന്നു. പലപ്പോഴും ഇവിടെ ട്രാഫിക് ഡ്യൂട്ടിക്ക് പോലീസുകാരെ കാണാറില്ല. ചിലപ്പോള് പോലീസ് നോക്കിനില്ക്കെ ബസുകള് എംസിറോഡില് നിര്ത്തിയാലും നടപടിയെടുക്കാന് മടിക്കുന്ന കാഴ്ചയാണിവിടെ. ബസുകള് സ്റ്റാന്റില് കയറുമെന്നുകരുതി വെയിറ്റിംഗ് ഷെഡില് കാത്തിരിക്കുമ്പോഴാണ് ബസുകള് എംസിറോഡില് നിര്ത്തുന്നത്. വൈക്കം പാലാ റൂട്ടിലെ ബസുകളുടെ മത്സര ഓട്ടവും സമയനിഷ്ട പാലിക്കാത്തതുമാണ് ബസുകള് സ്റ്റാന്റില് കയറാത്തതിനുള്ള പ്രധാന കാരണം.
കുറവിലങ്ങാട് ബസ് സ്റ്റാന്റില് ബസ് കയറുവാന് യാത്രക്കാരുടെ ഓട്ടപ്രദക്ഷിണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.