കോട്ടയം: കുമരകത്ത് ഗ്രാമപഞ്ചായത്ത് കമ്മിറ്റിക്കെത്തിയ ബിജെപി അംഗങ്ങളെ വധിക്കാന് സിപിഎം നടത്തിയ ശ്രമത്തില് പ്രതിഷേധിച്ച് കോട്ടയം ജില്ലയില് ബിജെപി ആഹ്വാനം ചെയ്ത ഹര്ത്താല് പൂര്ണ്ണം.
വ്യാഴാഴ്ച പഞ്ചായത്ത് യോഗത്തില് പങ്കെടുക്കാനെത്തിയ കുമരകം എട്ടാം വാര്ഡ് അംഗം പുത്തന്പുരയില് പി.കെ.സേതു, 12-ാം വാര്ഡ് അംഗം വാര്യത്തുകടവ് വി.എന്. ജയകുമാര് എന്നിവര്ക്ക് നേരെയാണ് ആക്രമണമുണ്ടായത്. ഗുരുതരമായി പരിക്കേറ്റ ഇരുവരും കോട്ടയം മെഡിക്കല് കോളേജ് ആശുപത്രിയില് കഴിയുകയാണ്.
മുന്കൂട്ടി ആസൂത്രണം ചെയ്ത പ്രകാരം മുപ്പതോളം വരുന്ന സംഘമാണ് ആക്രമണം നടത്തിയത്. കൊലപാതക ശ്രമം അടക്കം നിരവധി കേസുകളില് പ്രതിയായ ഡിവൈഎഫ്ഐ നേതാവ് മിഥുനിന്റെ (അമ്പിളി)നേതൃത്വത്തിലാണ് ആക്രമണം നടത്തിയത്. ഹര്ത്താലിന്റെ ഭാഗമായി ബിജെപി പ്രതിഷേധ പ്രകടനം നടത്തി. പ്രകടനത്തിന് ബിജെപി മധ്യമേഖല പ്രസിഡന്റ് അഡ്വ. എന്.കെ. നാരായണന് നമ്പൂതിരി, ജില്ലാ പ്രസിഡന്റ് എന്.ഹരി എന്നിവര് നേതൃത്വം നല്കി.
സംഭവത്തില് ഉള്പ്പെട്ട ഒരാളെ പോലും പോലീസ് അറസ്റ്റ് ചെയ്തിട്ടില്ല. കണ്ടാല് അറിയാവുന്ന 17 പേര്ക്കെതിരെയാണ് കേസെടുത്തിരിക്കുന്നതെന്ന് കുമരകം പോലീസ് അറിയിച്ചു. വധശ്രമമുണ്ടായിട്ടും നിസാര വകുപ്പുകള് ചേര്ത്താണ് കേസെടുത്തിരിക്കുന്നത്.
