കണ്ണൂര്‍:വി കുഞ്ഞികൃഷ്ണന്‍ എംഎല്‍എയുടെ തെരഞ്ഞെടുപ്പ് ജയം റദ്ദാക്കണമെന്ന് ആവശ്യപ്പെട്ട് മുന്‍ എം എല്‍ എയും സി പി എം നേതാവുമായ ടി ഐ മധുസൂദനന്‍ ഹൈക്കോടതിയില്‍. വി കുഞ്ഞികൃഷ്ണന്‍ വോട്ടര്‍മാരെ തെറ്റിദ്ധരിപ്പിച്ചാണ് ജയിച്ചതെന്നാണ് വാദം.
തനിക്കെതിരെ ‘രക്തസാക്ഷി ഫണ്ട് കള്ളന്‍’ എന്ന വ്യാജ ആരോപണം നടത്തി. ആരോപണത്തിന് രേഖകളോ തെളിവോ ഇല്ലാതിരുന്നിട്ടും വ്യാജ പ്രചാരണം നടത്തിയാണ് കുഞ്ഞികൃഷ്ണന്‍ തന്നെ പരാജയപ്പെടുത്തിയത്.
കളങ്കിതനാണ് താന്‍ എന്ന് പ്രചാരണത്തിലെ പ്രസംഗങ്ങളില്‍ വരുത്തി തീര്‍ത്തു.ഹര്‍ജി പിഴവുകള്‍ തിരുത്തി നല്‍കാന്‍ കോടതി നിര്‍ദേശം നല്‍കി. അടുത്ത ആഴ്ച വീണ്ടും ഹര്‍ജി പരിഗണിക്കും. ഹര്‍ജിയില്‍ പിഴവുകള്‍ ഉള്ളതിനാലാണ് വീണ്ടും സമര്‍പ്പിക്കാന്‍ ആവശ്യപ്പെട്ടന്നത്.
