കൊല്ലം: മൈനാഗപ്പള്ളി മണ്ണൂര്ക്കാവ് ഭഗവതീക്ഷേത്രത്തിലെ ആറാമത് കഥകളി ഫെസ്റ്റിവല് നാളെ തുടങ്ങി 21ന് സമാപിക്കുമെന്ന് ക്ഷേത്രഭരണസമിതി പ്രസിഡന്റ് കെ.വിശ്വനാഥപിള്ള, സെക്രട്ടറി രവി മൈനാഗപ്പള്ളി എന്നിവര് പത്രസമ്മേളനത്തില് അറിയിച്ചു.
നാളെ ഉച്ചയ്ക്ക് രണ്ടിന് കേളികൊട്ടും ആട്ടക്കഥാപരിചയവും നടന്നതിന് ശേഷം മൂന്നിന് ചലച്ചിത്രവികസന കോര്പ്പറേഷന് ചെയര്മാന് ലെനിന്രാജേന്ദ്രന് ഫെസ്റ്റിവല് ഉദ്ഘാടനം ചെയ്യും. മടവൂര് വാസുദേവന്നായര് അദ്ധ്യക്ഷത വഹിക്കും. തുടര്ന്നുള്ള ദിവസങ്ങളില് വിവിധ മത്സരങ്ങള്. സിമ്പോസിയങ്ങള്, സോദാഹരണപ്രഭാഷണങ്ങള്, കഥകളി തുടങ്ങിയവ നടക്കും. 19ന് വൈകിട്ട് നാലിന് മണ്ണൂര്ക്കാവ് വനദുര്ഗാ പുരസ്കാരം മദ്ദളവിദ്വാന് വാരണാസി വിഷ്ണുനമ്പൂതിരിക്ക് സമര്പ്പിക്കും. 21ന് വൈകിട്ട് നാലിന് നടക്കുന്ന സമാപനസമ്മേളനം ഷാജി എന്.കരുണ് ഉദ്ഘാടനം ചെയ്യും.
