കൊല്ലം: തൃക്കരുവയില് യുവാവിനെ വെട്ടിപരിക്കേല്പ്പിച്ച സംഭവത്തില് പ്രതികള് പ്രത്യേകം ആയുധ പരിശീലനം ലഭിച്ചവരെന്ന് സൂചന. ചാത്തിനാംകുളം, കരിക്കോട് ഭാഗത്തുള്ളവരെ കേന്ദ്രീകരിച്ചാണ് അന്വേഷണം. അക്രമണ സമയത്ത് പ്രതികളില് ചിലര് പരസ്പരം പേര് വിളിച്ചതായി ബിനു പോലീസിന് മൊഴി നല്കിയിരുന്നു. ഇത് അന്വേഷണത്തില് നിര്ണായകമാകും. പുറത്ത് നിന്നെത്തിയവരാണ് അക്രമണം നടത്തിയതെന്ന് പ്രദേശവാസികളും പറയുന്നു.
ഭീകരാന്തരീക്ഷം സൃഷ്ടിച്ച് ശേഷമായിരുന്നു അക്രമണം. അക്രമണം നടത്തിയവരില് ഭൂരി’ാഗവും 18-22 വയസ്സിനിടയിലുള്ളവരാണെന്നാണ് ദൃക്സാക്ഷികള് പറയുന്നത്. അക്രമത്തിന് നേതൃത്വം നല്കിയ ബിജു കഴിഞ്ഞ കുറെമാസങ്ങളായി ഇത്തരത്തിലുള്ള യുവാക്കളെ പ്രദേശത്ത് കൊണ്ടുവരുന്നതായും വീട്ടില് താമസിപ്പിക്കുന്നതായും പോലീസിന് വിവരം ലഭിച്ചിട്ടുണ്ട്. അതേ സമയം ജില്ലയിലെ ചില ക്വട്ടേഷന് അക്രമണകേസുകളിലും ബിജുവിന്റെ പേര് പരാമര്ശിക്കുന്നുണ്ട്. സപ്തംബര് 30ന് കടവൂരിന് സമീപം വച്ച് ആര്എസ്എസ് മുന് ശാരീരിക് ശിക്ഷണ് പ്രമുഖ് ശ്യാംമിനെ കൊലപ്പെടുത്താന് ശ്രമിച്ച സം’വത്തിലും ബിജുവിന്റെ പേര് പരാമര്ശിച്ചിരുന്നു.
എന്നാല് പോലീസ് ഇത് മുഖവിലയ്ക്കെടുക്കാനോ അന്വേഷണം നടത്താനോ തയാറായില്ല. പ്രതികളായ എസ്ഡിപിഐ എന്ഡിഎഫുകാരെ ഉടന് അറസ്റ്റു ചെയ്യണമെന്ന് ബിജെപി തൃക്കരുവ പഞ്ചായത്ത് സമിതി പ്രസിഡന്റ് സതീഷ്കാഞ്ഞിയില് ആവശ്യപ്പെട്ടു.
