വാഷിംഗ്ടണ്: കറാച്ചിയുടെ തുറമുഖ മേഖലകള് കൈയടക്കാന് താലിബാന്, അല് ഖ്വയ്ദ തുടങ്ങിയ ഭീകര സംഘടനകള് ശ്രമിക്കുന്നുവെന്ന് മുഹാജിര്(അഭയാര്ത്ഥി) സംഘടന. പാക്കിസ്ഥാനിലെ ഭീകരസംഘടനകളെ പാക്ക് ചാരസംഘടനയായ ഐഎസ്ഐ പിന്തുണയ്ക്കുന്നുവെന്നും ഇവര് പറഹുന്നു. ഇക്കാര്യങ്ങള് അമേരിക്കന് നിയമ നിര്മ്മാതാക്കളെ കത്തെഴുതി മുഹാജിര് അറിയിച്ചു.
പാക്കിസ്ഥാനിലെ പ്രധാന തുറമുഖങ്ങളിലൊന്നാണ് കറാച്ചി. അതുകൊണ്ട് തന്നെ ഇവിടം വരുതിയിലാക്കുന്നതോടെ ഭീകര സംഘടനകളുടെ ആള്ബലവും സാമ്പത്തികവും വര്ധിക്കും. ഇതാണ് അവര് ലക്ഷ്യം വയ്ക്കുന്നതെന്നും കത്തില് പറയുന്നു.
ഐഎസ്ഐയുടെ പിന്തുണയോടെ ഭീകര സംഘടനകള് പാക്കിസ്ഥാനില് സുരക്ഷിതമായാണ് വാഴുന്നത്. ജിഹാദി സംഘടനകള് ഐഎസ്ഐയുടെ പിന്ബലത്തില് ശക്തി ആര്ജിക്കുന്നെന്നും തങ്ങള് ഭയത്തോടെയാണ് അതിനെ നോക്കി കാണുന്നതെന്നും മുഹാജിര് സംഘടന കത്തില് ചൂണ്ടിക്കാട്ടുന്നു.
കറാച്ചിലെ സുരക്ഷിത്വത്തെ കുറിച്ച് തങ്ങള്ക്ക് ആശങ്കയുണ്ടെന്ന് വ്യക്തമാക്കിയ മുഹാജിര് സംഘടന കുട്ടികളെ കുറിച്ചും തങ്ങള്ക്ക് ആശങ്കയുണ്ടെന്ന് കൂട്ടിച്ചേര്ത്തു. ജിഹാജികള് പാവപ്പെട്ട കുട്ടികളെ തട്ടികൊണ്ട് പോയി അവരില് മാനസിക പരിവര്ത്തനമുണ്ടാക്കുന്നു. അങ്ങനെ കുട്ടികള് ചാവേറുകളും മതഭ്രാന്തന്മാരുമായി മാറുന്നെന്നും മുഹാജിര് കത്തില് സൂചിപ്പിക്കുന്നു.
