തിരുവനന്തപുരം : തിരുവനന്തപുരം നഗരത്തില് അത്യാധുനിക സംവിധാനങ്ങളും നവ്യമായ കാഴ്ചാനുഭവങ്ങളുമായി നവീകരിച്ച കൃപ സിനിമാസ് പ്രവര്ത്തനം ആരംഭിച്ചു. ചെന്നൈയിലും ഇപ്പോള് മുംബൈയിലും ഏറ്റവും മികച്ചരീതിയില് സിനിമാതിയേറ്ററുകളുടെ ശൃംഖല സൃഷ്ടിച്ചെടുത്ത എസ്പിഐ സിനിമാസിന്റെ കേരളത്തിലേക്കുള്ള രംഗപ്രവേശം കൂടിയായി ഇതുമാറി. മുത്തൂറ്റ് പാപ്പച്ചന് ഗ്രൂപ്പിന്റെ ഉടമസ്ഥതയിലുള്ള കൃപ തിയേറ്റര് എസ്പിഐ സിനിമാസാണ് ഏറ്റെടുത്തു പ്രവര്ത്തിപ്പിക്കുന്നത്. മേയര് അഡ്വ. വി.കെ.പ്രശാന്ത് ഉദ്ഘാടനം ചെയ്ത തിയേറ്ററില് വെള്ളിയാഴ്ച മുതല് പ്രേക്ഷകര്ക്കായുള്ള പ്രദര്ശനങ്ങള് തുടങ്ങും.
മുന്തിയ ഇനം സീറ്റുകളും 2 കെ ഡിജിറ്റല് പ്രൊജക്ഷനും 7.1 ഡോള്ബി ശബ്ദ സംവിധാനവും ഡോള്ബി അറ്റ്മോസ് സൗണ്ടും എല്ലാം പുതിയ തിയേറ്ററുകളിലേക്ക് പ്രേക്ഷകരെ ആകര്ഷിക്കാന് ഉതകുന്നതാണെന്ന് മുത്തൂറ്റ് പാപ്പച്ചന് ഗ്രൂപ്പ് ചെയര്മാനും മാനേജിംഗ് ഡയറക്ടറുമായ തോമസ് ജോണ് മുത്തൂറ്റ് പറഞ്ഞു.
