തിരുവനന്തപുരം: മലയാളഭാഷയ്ക്കും കേരള സര്വകലാശാലയ്ക്കും അന്താരാഷ്ട്ര പ്രശസ്തി നേടിക്കൊടുത്ത മലയാള മഹാനിഘണ്ടുവിന്റെ ഈയിടെ പ്രസിദ്ധീകരിച്ച 9-ാം വാല്യത്തില് തെറ്റുകളുടെ ഘോഷയാത്ര. പുതിയ വാല്യത്തില് പദങ്ങളുടെ വ്യാകരണത്തിലും വ്യുത്പത്തി നിര്ണയത്തിലും സാരമായ തെറ്റുകള് കാണാം. പ്രധാനമന്ത്രി പ്രഥമാദ്ധ്യാപകന് പ്രവാസി മലയാളി തുടങ്ങി. വാക്കുകള് നിഘണ്ടുവിന്റെ ഉള്പ്പെടുത്തിയിട്ടില്ല.
പ്രസിഡന്റ് എന്ന പദത്തിന് രാഷ്ട്രപതി എന്ന അര്ത്ഥം കൊടുത്തിട്ടില്ല. പകരം പരമാധികാര രാഷ്ട്രത്തിലെ തലവനെന്നാണ് നല്കിയിരിക്കുന്നത്. പല രാജ്യങ്ങളിലും രാജാവാണ് രാഷ്ട്രതലവന്. അതുകൊണ്ട് ഇന്ന് തെറ്റാണ്. വാക്കുകളുടെ അര്ത്ഥം നല്കിയിരിക്കുന്നതിനും നിരവധി തെറ്റാണ്. പുലിമുട്ട് എന്നതിന് ആറ്റുവക്കില് കല്ലുവച്ച് കെട്ടുന്ന മതില് എന്നാണ് നല്കിയിരിക്കുന്നത്. കരയില്നിന്ന് വെള്ളത്തിലേക്ക് നീളത്തില് കെട്ടുന്നതാണ് പുലിമുട്ട്.
പൊളി, പൊള്ള, പ്രതി, പോന്ന എന്നിങ്ങനെ അനവധി വാക്കുകളുടെ ഉച്ചാരണം തെറ്റിച്ചാണ് അച്ചടിച്ചിരിക്കുന്നത്. പുറം, പൊതുന്മ, പൊതുസമ്മേളനം, പേരെച്ചം എന്നീ വാക്കുകള്ക്ക് അവ്യക്തവും അര്ത്ഥശൂന്യവുമായ അര്ത്ഥ വിവരണമാണ് നല്കിയിരിക്കുന്നത്. അര്ത്ഥവും ഉദാഹരണവും തമ്മിലുള്ള യോജിപ്പില്ലായ്മയും തെറ്റായി കൊടുത്തിരിക്കുന്ന ഉദാഹരണങ്ങളും നിഘണ്ടുവില് ധാരാളമായി കാണാം. ഇംഗ്ലീഷ് അര്ത്ഥങ്ങളും തെറ്റിച്ചാണ് നല്കിയിരിക്കുന്നത്.
ഈ വാല്യം ഈ രൂപത്തില് പൊതുജനങ്ങളിലും വിദ്യാര്ത്ഥികളിലും എത്തുന്നത് മലയാളഭാഷയ്ക്കും കേരള സര്വകലാശാലയ്ക്കും മലയാള മഹാ നിഘണ്ടുവകുപ്പിനും അപമാനമാകും എന്നിരിക്കെ ഇത് പിന്വലിക്കണമെന്ന് അഴിമതി പ്രതിരോധവേദി ആവശ്യപ്പെട്ടു. സംഘടന സെക്രട്ടറി വി. ദത്തന്, അംഗങ്ങളായ ആര്. ചിത്രജകുമാര്, എന്. ഗംഗാധരന് എന്നിവര് വാര്ത്താസമ്മേളനത്തില് പങ്കെടുത്തു.
