അയർലണ്ടിലും ഇന്ത്യക്കാരനോട് വംശീയധിക്ഷേപം

ഡബ്ലിൻ: അടുത്തിടെ ഭാരതീയർക്കെതിരെ വംശീയധിക്ഷേപം കൂടി വരികെയാണ്. ഭാരതീയർ കൂടുതാലായി കുടിയേറിക്കൊണ്ടിരിക്കുന്ന ഓസ്ട്രേലിയ, അമേരിക്ക, യുകെ എന്നിവിടങ്ങളിൽ ഉടലെടുക്കുന്ന വംശീയധിക്ഷേപങ്ങൾ ഏറെ ആശങ്കയാണ് ഭാരത സമൂഹത്തിനുമേൽ ഉണ്ടാക്കുന്നത്. അടുത്തിടെ യൂറോപ്യൻ രാജ്യമായ അയർലണ്ടിലെ ഒരു ട്രെയിനുള്ളിൽ ഇന്ത്യൻ യുവാവിന് വളരെ മോശമായ രീതിയിൽ വംശീയധിക്ഷേപം നേരിടേണ്ടി വന്നു.

അയർലണ്ടിലെ ലിംറിക്ക് കോൾബെർട്ട് നഗരത്തിൽ നിന്നും ലിംറിക്ക് ജംഗ്ഷനിലേക്ക് പോയ ഇന്ത്യൻ യുവാവിനാണ് കടുത്ത മാനഹാനി നേരിടേണ്ടി വന്നത്. ട്രെയിനിനുള്ളിൽ ലഗേജ് വയ്‌ക്കാൻ സ്ഥലം ആവശ്യപ്പെട്ട യുവാവിന് ഐറിഷ് യുവതിയുടെ പക്കൽ നിന്നും വളരെ മോശമായ പ്രതികരണമാണ് ലഭിച്ചത്.

ഇവിടെ ഇരിക്കാനോ സാധനങ്ങൾ വയ്‌ക്കാനോ നിങ്ങൾക്ക് അവകാശമില്ലെന്നും ഇത് എന്റെ രാജ്യമാണെന്നും വേഗം ഇന്ത്യയിലേക്ക് തന്നെ തിരിച്ച് പോകു എന്നാണ് യുവതി ഉച്ചത്തിൽ യുവാവിനോട് കയർത്ത് സംസാരിച്ചത്. ഇത് മറ്റൊരു യാത്രിക വീഡിയോവിൽ പകർത്തുകയായിരുന്നു. വീഡിയോ നവമാധ്യമങ്ങളിൽ വൈറൽ ആയതോടെ ഐറിഷ് പോലീസ് സംഭവത്തെക്കുറിച്ച് അന്വേഷണം നടത്തുമെന്ന് അറിയിച്ചു.

@IrishRail "f3ck off and go back to India" angry 😡 #irishrail rant part 2 pic.twitter.com/HqYKLtTYMi

— Normalize Gay Families (@normalizegayfam) April 16, 2017