ചങ്ങനാശേരി: അംബേദ്കര് ജന്മവാര്ഷിക ദിനത്തോടനുബന്ധിച്ച് ഒരാഴ്ച നീണ്ടുനില്ക്കുന്ന കര്മ്മപരിപാടികള് യുവമോര്ച്ച ചങ്ങനാശ്ശേരി നിയോജകമണ്ഡലം കമ്മറ്റി ആസൂത്രണം ചെയ്തു. ഇതിന്റെ ഭാഗമായി ചങ്ങനാശ്ശേരി ആവണിത്തോട് മാലിന്യ വിമുക്തമാക്കുവാന് ശുചീകരണ പ്രവര്ത്തനങ്ങള് നടത്തി. ചങ്ങനാശ്ശേരി നഗരസഭയിലെ 28-ാം വാര്ഡിലെ ആവണിതോടിന്റെ ശോചനീയാവസ്ഥ പരിഹരിക്കണമെന്നും മനക്കച്ചിറ കലുങ്കിന്റെ ഉയരം ഉയര്ത്താനുള്ള നടപടി നഗരസഭ സ്വീകരിക്കണമെന്നും ശുചീകരണം ഉദ്ഘാടനം ചെയ്ത് ബിജെപി മണ്ഡലംപ്രസിഡന്റ് എം.എസ്. വിശ്വനാഥന് പറഞ്ഞു.
യുവമോര്ച്ച മണ്ഡലംപ്രസിഡന്റ് വിഷ്ണു ഗോപിദാസ് അധ്യക്ഷത വഹിച്ചു. മണ്ഡലം ജനറല് സെക്രട്ടറി മനോജ് മുഖ്യപ്രഭാഷണം നടത്തി. യുവമോര്ച്ച ജില്ലാ വൈസ്പ്രസിഡന്റ് രമ്യാകൃഷ്ണന്, മണ്ഡലം ജനറല്സെക്രട്ടറി പ്രശാന്ത്, സെക്രട്ടറി ആര്യഷാജി, ബിജെപി ജില്ലാകമ്മിറ്റിഅംഗം പി. സുരേന്ദ്രനാഥ്, മണ്ഡലം വൈസ്പ്രസിഡന്റ് പ്രസന്നകുമാരി, കുമാര് ശിബിരം, സത്യപാല് എന്നിവര് പ്രസംഗിച്ചു.
