കോട്ടയം: കേരളത്തില് സ്ത്രീത്വം അപമാനിക്കപ്പെടുകയാണെന്ന് ബിജെപി ജില്ലാ പ്രസിഡന്റ് എന്.ഹരി. യുവമോര്ച്ച കോട്ടയം ജില്ലാകമ്മിറ്റിയുടെ ആഭിമുഖ്യത്തില് വനിതാ കണ്വന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.വര്ദ്ധിച്ചുവരുന്ന സ്ത്രീപീഡനങ്ങള്ക്കും അതിക്രമങ്ങള്ക്കുമെതിരെ യുവജനങ്ങള് പ്രതികരിക്കണമെന്നും സ്ത്രീസുരക്ഷ ഉറപ്പാക്കുന്നതില് ഇടതുസര്ക്കാര് ഒന്നും തന്നെ ചെയ്യുന്നില്ലെന്നും അദ്ദേഹം പറഞ്ഞു.
സ്ത്രീകള്ക്ക് നേരെ നടക്കുന്ന അതിക്രമങ്ങള്ക്കെതിരെ വരും ദിവസങ്ങളില് ജില്ലയിലെമ്പാടും ജനകീയ കൂട്ടായ്മ സംഘടിപ്പിക്കുവാന് യുവമോര്ച്ച തയ്യാറാകണമെന്നും അദ്ദേഹം കൂട്ടിച്ചേര്ത്തു.യുവമോര്ച്ച കോട്ടയം ജില്ലാ പ്രസിഡന്റ് അഖില് രവീന്ദ്രന് അദ്ധ്യക്ഷത വഹിച്ചു. ലിജിന്ലാല്, റീബവര്ക്കി, സുമ വിജയന്, സുമ മുകുന്ദന്, യുവമോര്ച്ച ജില്ലാ ജനറല് സെക്രട്ടറി ലാല്കൃഷ്ണ, രമ്യാകൃഷ്ണന്, സിനിമോള്, ജയലക്ഷ്മി, ആര്യഷാജി തുടങ്ങിയവര് സംസാരിച്ചു.
