പത്തനംതിട്ട:’ആര്വൈഎഫ് ദേശീയ ജനറല് സെക്രട്ടറിയും ആര്എസ്പി സംസ്ഥാന കമ്മറ്റിയംഗവുമായ സലിം പി.ചാക്കോ ആര്എസ്പിയില് നിന്നും രാജിവച്ചതായി പത്രസമ്മേളനത്തില് അറിയിച്ചു. മോട്ടോര് തൊഴിലാളി യൂണിയന് (യുറ്റിയുസി) സംസ്ഥാന പ്രസിഡന്റ്, പത്തനംതിട്ട ജില്ലാ സെക്രട്ടറി, യുറ്റിയുസി സംസ്ഥാന കമ്മിറ്റിയംഗം, യുറ്റിയുസി പത്തനംതിട്ട ജില്ലാ പ്രസിഡന്റ് എന്നീ സ്ഥാനങ്ങളും രാജിവച്ചു. എന്.കെ. പ്രേമചന്ദ്രന് എംപിയുടെ ഏകാധിപത്യ പ്രവണതയിലും മാനസികമായി തന്നെ പീഡിപ്പിക്കുകയും ചെയ്യുന്ന നടപടികളില് പ്രതിഷേധിച്ചാണ് രാജി. ആര്എസ്പിയെ എന്.കെ.പി.ആക്കുവാനുള്ള നീക്കമാണ് പ്രേമചന്ദ്രന് നടത്തുന്നത്. സ്വന്തം താല്പര്യങ്ങള്ക്കുവേണ്ടി ഏത് അജണ്ടയും കൃത്യമായി നടപ്പിലാക്കാന് അദ്ദേഹത്തിനറിയാം. ബ്രിട്ടീഷുകാര് നമ്മുടെ രാജ്യത്തെ ഭിന്നിപ്പിച്ചു ഭരിച്ചതുപോലെ പാര്ട്ടിയിലെ നേതാക്കളെ തമ്മിലടിപ്പിച്ച് സ്വന്തം താല്പര്യം നേടിയെടുക്കുന്ന അവനോനിസമാണ് അദ്ദേഹത്തിന്റെ പ്രധാന ശൈലി. നട്ടെല്ലിന്റെ സ്ഥാനത്ത് വാഴപ്പിണ്ടി വച്ച് അദ്ദേഹത്തിന്റെ ഏറാമൂളി ആയി നില്ക്കാന് താല്പര്യമില്ലാത്തതിനാലാണ് രാജിവയ്ക്കുന്നെതന്നും സലിം അറിയിച്ചു.
ആര്വൈഎഫ് ദേശീയ ജനറല് സെക്രട്ടറി സലിം പി.ചാക്കോ രാജി വച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.