കൊച്ചി: കണിക്കൊന്നയ്ക്കും, വെള്ളരിക്കുമൊപ്പം ദീപശോഭയില് വിഷു ആഘോഷിക്കാന് ക്ഷേത്ര സന്നിധികളൊരുങ്ങി. ചോറ്റാനിക്കര ഭഗവതി ക്ഷേത്ര ക്ഷേത്രത്തില് 14ന് വെളുപ്പിന് നാലിന് വിഷുകണി ദര്ശനം. 4.30ന് ശാസ്താവിന് നെയ്യഭിഷേകം. 5.30ന് കീഴ്ക്കാവില് പൂമൂടല്. 9.30ന് വെച്ചൂര് രമാദേവിയുടെ ഓട്ടന്തുള്ളല്. 11ന് രുദ്രാഭിഷേകം. തുടര്ന്ന് നൂറും പാലും. 12ന് വിഷു സദ്യ. ഉച്ചയ്ക്ക് 3.30ന് കാഴ്ചശീവേലി. വൈകിട്ട് 6.30ന് ഭക്തിഗാനമേള. രാത്രി 9ന് വിളക്കെഴുന്നള്ളിപ്പ്. കൊച്ചിയില് ചീറ്റൂര്, ഇടപ്പള്ളി ശ്രീകൃഷ്ണ സ്വാമി ക്ഷേത്രങ്ങളില് പ്രത്യേക വിഷു ആഘോഷങ്ങള് നടത്തും. തൃപ്പൂണിത്തുറ പൂര്ണ്ണത്രയീശ ക്ഷേത്രം, ഏരൂര് മുതുകുളങ്ങര ശ്രീകൃഷ്ണ ക്ഷേത്രം, മാരംകുളങ്ങര ശ്രീകൃഷ്ണ ക്ഷേത്രം, മരട്, കല്ലാത്ത് ശ്രീകൃഷ്ണ സ്വാമി ക്ഷേത്രങ്ങള്, പെരുമ്പാവൂര് ശ്രീധര്മ്മശാസ്ത ക്ഷേത്രം എന്നിവിടങ്ങളിലും പ്രത്യേക പൂജകള് നടക്കും. പള്ളുരുത്തി അഴകിയകാവ് ദേവീ ക്ഷേത്രം, കുമ്പളങ്ങി ശ്രീകൃഷ്ണ ക്ഷേത്രം, വെങ്കിടാചലപതി ക്ഷേത്രം എന്നിവിടങ്ങളിലും പ്രത്യേക വഴിപാടുകള് നടത്തും.
കാലടി: ശ്രീശങ്കരാചാര്യരുടെ കുലദേവത ക്ഷേത്രമായ കാലടി ശ്രീകൃഷ്ണ സ്വാമി ക്ഷേത്രത്തില് വിഷു പുലരിയില് പ്രത്യേക പൂജകളും വെളുപ്പിന് നാലിന് വിഷുകണി ദര്ശനവും നടക്കും. ക്ഷേത്രത്തില് എത്തുന്ന മുഴുവന് ഭക്തര്ക്കും ക്ഷേത്രം ട്രസ്റ്റിന്റെ കാപ്പിള്ളി ശ്രീകുമാര് നമ്പൂതിരിയുടെ മേല്ശാന്തി സൂരജ് നമ്പൂതിരിയും വിഷുകൈനീട്ടം നല്കും. മഞ്ഞപ്ര ആക്കുന്ന് ധര്മ്മശാസ്താ ക്ഷേത്രത്തില് വിഷുദിനത്തില് പ്രത്യേക പൂജകളും പുലര്ച്ചെ നാലിന് വിഷുകണി ദര്ശനവും ഭക്തര്ക്ക് വിഷുകൈനീട്ടവും നല്കും. മറ്റൂര് വാമനപുരം മഹാവിഷ്ണു ക്ഷേത്രത്തില് വിഷുദിനത്തില് പ്രത്യേക പൂജകളും പുലര്ച്ചെ നാലിന് വിഷുകണദര്ശനവും തുടര്ന്ന് ക്ഷേത്രത്തില് എത്തുന്ന ഭക്തര്ക്ക് മേല്ശാന്തി അനില് നമ്പൂതിരി വിഷു കൈനീട്ടവും നല്കും.
