കളമശേരി: ഏലൂര് പാതാളം ഈ എസ് ഐ ജില്ലാ ആശുപത്രിയില് സിസേറിയന് വിധേയരായ 4 പേര്ക്ക് അണുബാധ. ലേബര് മുറിയില്നിന്നാണ് അണുബാധയുണ്ടായതെന്നു കരുതുന്നു. സംഭവം ആശുപത്രി അധികൃതര് നിഷേധിക്കുന്നെങ്കിലും അണുബാധയേറ്റവര് പേരു വെളിപ്പെടുത്തില്ലെന്ന വ്യവസ്ഥയില് ജന്മഭൂമിയോട് കാര്യങ്ങള് വിശദീകരിച്ചു.
കഴിഞ്ഞ മാസവസാനം നടന്ന ശസ്ത്രക്രിയകള്ക്കിടയിലാവണം അണുബാധയുണ്ടായതെന്നു വേണം കരുതാന്. ഇങ്ങനെ ഒരു സംഭവം റിപ്പോര്ട്ടുചെയ്യപ്പെട്ടിട്ടില്ലെന്ന് അധികൃതര് വിശദീകരിക്കുന്നു.
ശസ്ത്രക്രിയ കഴിഞ്ഞ് ആശുപത്രി വിട്ടവരില് നാലു പേര് കടുത്ത വയറുവേദനയെ തുടര്ന്ന് തിരികെ എത്തി. ഇവര്ക്കു വേണ്ട പരിചരണം പോലും ആശുപത്രി നല്കിയില്ലെന്ന് ആക്ഷേപമുണ്ട്.
ഇവരെ നിര്ബന്ധിച്ച് ഡിസ്ചാര്ജ് ചെയ്തതായും പരാതിയുണ്ട്. തുടര്ച്ചയായ അവധി വരുന്നതിനാല് നിരവധി ശസ്ത്രക്രിയകള് തുടര് ദിനങ്ങളില് നടക്കാനുള്ളതിനാലാണ് കിടത്താത്തതെന്ന് വിശദീകരിക്കുന്നു. വാര്ഡില് പുതിയതായി ഓപ്പറേഷന് കഴിഞ്ഞവരെ കിടത്താനായി ഇവരെ പറഞ്ഞു വിടുകയായിരുന്നുവെന്നും പറയപ്പെടുന്നു.
ഇഎസ്ഐ ആശുപത്രികളില് കൂടുതല് മെച്ചപ്പെട്ട സൗകര്യങ്ങളും സംവിധാനങ്ങളും കേന്ദ്രസര്ക്കാര് ഏര്പ്പെടുത്തിയിട്ടും തൊഴിലാളികള്ക്ക് വേണ്ടത്ര സേവനം കിട്ടുന്നില്ല. ഗര്ഭിണിയായ ഇതര സംസ്ഥാനക്കാരിക്ക് പൊള്ളലേറ്റ് ചികിത്സ കിട്ടാതെ വന്നതിന്റെ പേരില് ഈ ആശുപത്രി അന്വേഷണം നേരിടുകയാണ്.
