തിരുവനന്തപുരം: മിമിക്രി കലാകാരന് അസ്സീസിനെ ആക്രമിച്ചതില് പ്രതിഷേധിച്ച് മിമിക്രി കലാകാരന്മാര് സെക്രട്ടേറിയേറ്റിലേക്ക് മാര്ച്ച് നടത്തി. മിമിക്രി കലാകാരന്മാരുടെ സംഘടനയായ മാസ്കിന്റെ നേതൃത്വത്തില് നടന്ന മാര്ച്ച് സംവിധായകന് രാജസേനന് ഉദ്ഘാടനം ചെയ്തു. ഉത്സവപറമ്പില് മിമിക്രി കാണിച്ച് ജനങ്ങളെ പൊട്ടിച്ചിരിപ്പിക്കുന്ന കലാകാരന്മാരെ മേക്കപ്പ് മുറിയില് കയറി മര്ദ്ദിച്ച സംഭവം പൊറുക്കാന് സാധിക്കാത്തതാണെന്നും അക്രമികള്ക്കെതിരെ ശക്തമായ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു. മിമിക്രി, ഗാനമേള, നാടകം കലാകാരന്മാര് ഒറ്റകെട്ടായി നിന്നാല് ഇത്തരം അക്രമങ്ങളെ ചെറുക്കാന് സാധിക്കുമെന്നും അദ്ദേഹം പറഞ്ഞു.
മര്ദ്ദനമേറ്റ് ബോധരഹിതനായ അസ്സീസിനെ ആശുപത്രിയില് കൊണ്ടുപോകാന് പോലും ഭാരവാഹികള് അനുവദിച്ചില്ലെന്ന് ബിനു ബി കമല് പറഞ്ഞു. നാട്ടുകാരാണ് കലാകാരന്മാരെ മര്ദ്ദിച്ചെന്ന ക്ഷേത്രം ഭാരവാഹികളുടെ പ്രസ്താവന ഭക്തജനങ്ങളെ അവഹേളിക്കുന്നതിനു തുല്യമാണെന്നും ജോബി പറഞ്ഞു. മാസ്കിന്റെ ഭാരവാഹികളായ ജഗദീഷ് പ്രസാദ്, രഞ്ചിത്ത് ചെങ്ങമനാട്, അനൂപ് ബാഹുലേയന്, സുബാഷ് പണിക്കര് എന്നിവര് സംസാരിച്ചു.
സിപിഎം ഗുണ്ടാ നേതാവ് ദീപുരാജിന്റെ നേതൃത്വത്തിലുള്ള സംഘമാണ് കഴിഞ്ഞ ദിവസം ചാമവിള ശ്രീധര്മ്മ ശാസ്താക്ഷേത്രത്തില് കോമഡി ഷോ അവതരിപ്പിക്കാനെത്തിയ അസ്സീസ്സിനെ ആക്രമിച്ചത്. മര്ദ്ദനത്തില് അസ്സീസിന് കേള്വി ശക്തിക്ക് തകരാറ് സംഭവിച്ചിട്ടുണ്ട്. ആശുപത്രിയില് കഴിയുന്ന അസ്സീസിനെ ബിജെപി ദേശീയ നിര്വ്വാഹക സമിതിയംഗം വി.മുരളീധരന് സന്ദര്ശിച്ചു. അസ്സീസിനെ ആക്രമിച്ചവര്ക്കെതിരെ പോലീസ് കര്ശന നടപടി കൈക്കൊള്ളണമെന്ന് അദ്ദേഹം ആവശ്യപ്പെട്ടു.
