മട്ടാഞ്ചേരി: പൈങ്കുനി ഉത്രത്തോടനുബന്ധിച്ച്സുബ്രഹ്മണ്യസ്വാമിയെ എഴുന്നള്ളിച്ച് നടന്ന സ്വാമി ഊഞ്ഞാലാട്ടം ഭക്തി സാന്ദ്രമായി. ഇന്നലെ വൈകിട്ട് വടക്കേ ചെറളായി തുണ്ടി പറമ്പ് ശ്രീ ഗോപാലകൃഷ്ണ ക്ഷേത്രത്തിലെ പൈങ്കുനി ഉത്രത്തോടനുബന്ധിച്ചാണ് ഊഞ്ഞാലാട്ടം നടന്നത്. ആഘോഷത്തോടനുബന്ധിച്ച് ശനിയാഴ്ച താലം വരവ്, ഭഗവതി പാട്ട്, വിവിധ ഭാഗങ്ങളില് നിന്ന് കാവടി ഘോഷയാത്രകള് നടന്നു. ഉത്രം നാളായ ഇന്ന് രാവിലെ ഏഴിന ഉദ്യാനേശ്വരം ശിവക്ഷേത്ര ത്തില് നിന്ന് പാല്ക്കാവടി എഴുന്നള്ളിപ്പ് നടക്കും. രാത്രി പഴയന്നുര് ഭഗവതി ക്ഷേത്രത്തില് നിന്ന് ഭസ്മക്കാവടി എഴുന്നള്ളിപ്പ് ക്ഷേത്രത്തിലെത്തിച്ചേരുന്നതോടെ ആഘോഷം സമാപിക്കും.
മികച്ച കുറ്റന്വേഷകര്ക്കുള്ള ബാഡ്ജ് ഓഫ് ഓണര് ലഭിച്ചു
മട്ടാഞ്ചേരി: സംസ്ഥാന അഭ്യന്തര വകുപ്പിന്റെ മികച്ച കുറ്റന്വേഷകര്ക്കുള്ള ബാഡ്ജ് ഓഫ് ഓണര് മട്ടാഞ്ചേരി സര്ക്കിള് ഇന്സ്പെക്ടര് ആയിരുന്ന പി.എം.ബൈജു, അസി:സബ്ബ് ഇന്സ്പെക്ടര് ജി.അജയകുമാര്,സിവില് പൊലീസ് ഓഫീസര് മുഹമ്മദ് ലിഷാദ് എന്നിവര്ക്ക് ഡിജിപി ലോക്നാഥ് ബെഹ്റ സമ്മാനിച്ചു.
എരമല്ലൂരിലെ കയറ്റുമതി കമ്പനിയുടെ ഇ മെയില് ഹാക്ക് ചെയ്ത് മട്ടാഞ്ചേരിയിലെ ബാങ്കിലേക്ക് വ്യാജ ഇ മെയില് സന്ദേശം അയച്ച് മുംബൈയിലെ ഒരു സ്വകാര്യ ബാങ്കില് വ്യാജ മേല്വിലാസത്തില് ആരംഭിച്ച അക്കൗണ്ടിലേക്ക് അഞ്ചേമുക്കാല് ലക്ഷം ട്രാന്സ്ഫര് ചെയ്ത് തട്ടിപ്പ് നടത്തിയ കേസില് പ്രതികളെ പിടികൂടിയതിനാണ് ഇവര്ക്ക് ബഹുമതി ലഭിച്ചത്
