ടെസ്റ്റ് ട്യൂബിലൂടെ ആണ്കുഞ്ഞിന് ജന്മം നല്കിയ മുവാറ്റുപുഴ സ്വദേശിനി ഭവാനി ടീച്ചര്(75) അത്യാസന്ന നിലയില് . സുഹൃത്തിന്റെ വീട്ടില് സംസാരിച്ചു നില്ക്കുന്നതിനിടെ കുഴഞ്ഞു വീഴുകയായിരുന്നു. മാനന്തവാടി ജില്ലാ ആശുപത്രിയില് പ്രവേശിപ്പിച്ചുവെങ്കിലും വിദഗ്ധ ചികിത്സ വേണമെന്ന ഡോക്ടര്മാരുടെ നിര്ദേശത്തെ തുടര്ന്ന് കല്പ്പറ്റയിലെ സ്വകാര്യ ആശുപത്രിയിലേക്ക് മാറ്റുകയായിരുന്നു.
ഹൃദയത്തിനും തലച്ചോറിനും തകരാര് സംഭവിക്കുകയും കടുത്ത പ്രമേഹവും ആശങ്കയുളവാക്കുന്നുവെന്ന് ഡോക്ടര്മാര് പറഞ്ഞു. പ്രാഥമിക ആവശ്യങ്ങള് പോലും പരസഹായം കൂടാതെ നിര്വഹിക്കാനാവുന്നില്ല. രോഗ വിവരം മുവാറ്റുപുഴയിലെ ബന്ധുക്കളെ വയോജനവേദി ഭാരവാഹികള് അറിയിച്ചിട്ടും വേണ്ടപ്പെട്ടവര് ആരും തന്നെ ആശുപത്രിയിലെത്തിയിട്ടില്ല. നിരന്തര പരിചരണം ആവശ്യമുള്ളതിനാല് ഒരു നഴ്സിനെ തല്ക്കാലം ചുമതലപ്പെടുത്തിയിരിക്കുകയാണ്.
ആശ്രിതരായി ആരുമില്ലെങ്കിലും വാര്ധക്യാവസ്ഥയിലും ഒറ്റക്ക് ജീവിച്ചു വരികയായിരുന്നു. ലോകത്തിന്റെ ശ്രദ്ധാകേന്ദ്രമായി തനിക്ക് പിറന്ന ഏക ആണ്തരി രണ്ടാം വയസ്സില് വിടപറഞ്ഞു. ഇതിന്റെ നൊമ്പരവും വേദനയും മറക്കാന് ചില വിദ്യാഭ്യാസ സ്ഥാപനങ്ങള് സന്ദര്ശിച്ച് ഗണിത ക്ലാസുകള് എടുത്തും കുട്ടികളോട് കളിതമാശകള് പറഞ്ഞും പ്രവര്ത്തനങ്ങളില് ഏര്പ്പെട്ടു വരുന്നതിനിടെയാണ് അസുഖം ഇവരെ പിടികൂടിയത്.
ആശുപത്രി ചെലവും മറ്റും വഹിച്ചു വരുന്നത് ജില്ലയിലെ ചില സാമൂഹിക പ്രവര്ത്തകരും വയോജന വേദി തുടങ്ങിയ സന്നദ്ധ സേവകരുമാണ്. കഴിഞ്ഞ അഞ്ചു വര്ഷത്തിലേറെയായി ഇവര് താമസിച്ചു വരുന്നത് മാനന്തവാടി എരുമത്തെരുവിലെ വാടക കെട്ടിടത്തിലാണ്. ഇവരെ ജീവിതത്തിന്റെ സാധാരണ അവസ്ഥയിലേക്ക് തിരിച്ചു കൊണ്ടു വരാന് കഴിയണമെങ്കില് വിദഗ്ധ ചികിത്സക്ക് വലിയ തുക വേണ്ടി വരും. ഇതിന് ഏതെങ്കിലും സുമനസ്സുകള് സഹായിക്കുമെന്ന പ്രതീക്ഷയിലാണ് സന്നദ്ധ പ്രവര്ത്തകര്. (9847400911,9656058506.)
