കൊച്ചി: ഒ.വി. വിജയന്റെ ‘ഖസാക്കിന്റെ ഇതിഹാസ’ത്തിനെ ആധാരമാക്കിയ നാടകത്തിന്റെ ടിക്കറ്റ് വില്പനയ്ക്ക് തുടക്കമായി. സംവിധായകന് ലാല് ജോസിന് ആദ്യ ടിക്കറ്റ് നല്കി. പ്രോഗ്രാം ഡയറക്ടര് ഹബീബ് തങ്ങളാണ് ലാല് ജോസിന് ടിക്കറ്റ് കൈമാറിയത്. ഏപ്രില് 21, 22, 23 തീയതികളില് തേവര സേക്രഡ് ഹാര്ട്ട് കോളേജ് മൈതാനിയിലാണ് നാകം. ടിക്കറ്റുകള് കൊച്ചി ലുലു മാളിലും പനമ്പിള്ളി നഗറിലുമുള്ള ക്രോസ്വേഡ് ബുക്സ്റ്റോറിലും ഓണ്ലൈനില് ംംം.സവമമെസസീരവശ്യശഹ.ശി എന്ന വെബ്സൈറ്റിലും ലഭ്യമാണ്. നാടകത്തിന്റെ ടിക്കറ്റ് വില്പനയിലൂടെ സ്വരൂപിക്കുന്ന തുക എറണാകുളം ജനറല് ആശുപത്രിയുടെ വികസനത്തിന് നല്കാനുള്ള തീരുമാനം സ്വാഗതാര്ഹമാണെന്ന് ടിക്കറ്റ് സ്വീകരിച്ചശേഷം ലാല് ജോസ് പറഞ്ഞു. റോട്ടറി കൊച്ചി യുണൈറ്റഡിന്റെ ഈ നല്ല പ്രവര്ത്തിയുമായി എല്ലാവരും സഹകരിക്കണമെന്നും അദ്ദേഹം അഭ്യര്ഥിച്ചു. തൃക്കരിപ്പൂര് കെഎംകെ കലാസമിതിയാണ് നാടകം അരങ്ങിലെത്തിച്ചത്. ദല്ഹി അംബേദ്കര് യൂണിവേഴ്സിറ്റിയിലെ പെര്ഫോമിങ് ആര്ട്ട്സിലെ അസോസിയേറ്റ് പ്രൊഫ. ദീപന് ശിവരാമനാണ് നാടകത്തിന്റെ രചനയും സംവിധാനവും നിര്വഹിച്ചിരിക്കുന്നത്. കൂടുതല് വിവരങ്ങള്ക്ക് 89078 00000, 83018 17427
‘ഖസാക്കിന്റെ ഇതിഹാസം’ ആദ്യ ടിക്കറ്റ് ലാല് ജോസിന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.