കല്ലടിക്കോട്: തച്ചമ്പാറയിലെ ബീവറേജസ് കോര്പ്പറേഷന്റെ ചില്ലറ വില്പ്പന കേന്ദ്രം തെക്കുമ്പുറത്തേക്ക് മാറ്റാനുള്ള നീക്കത്തില് സര്വ്വകക്ഷിയോഗം പ്രതിഷേധിച്ചു. ജനവാസമേഖലയിലാണ് വില്പ്പനശാല മാറ്റുന്നത്. കഴിഞ്ഞ രാത്രി ഒരു ലോഡ് മദ്യകുപ്പികള് സ്വകാര്യ വ്യക്തിയുടെ വീട്ടില് എത്തിച്ചെന്നും, ജനവാസമുള്ള ഈ ഭാഗത്ത് തുറന്ന് പ്രവര്ത്തിക്കാന് സമ്മതിക്കില്ലെന്നും യോഗം മുന്നറിയിപ്പ് നല്കി.
സര്വ്വക്ഷിയോഗത്തില് തച്ചമ്പാറ പഞ്ചായത്ത് പ്രസിഡന്റ് കെ ടി സുജാത അധ്യക്ഷത വഹിച്ചു.വിവിധ പാര്ട്ടി നേതാക്കളായ കെകെ.നാരായണന്, മാത്യു ജോസഫ്, കെകെ.രാജന്, സന്തോഷ്, അബ്ബാസ് മേലേതില്, പിസി.മാണി, ഒ.നാരായണന് കുട്ടി, പി.ഗോപി, റിയാസ് തച്ചമ്പാറ, പിഎസ്.ശശികുമാര്, നൗഷാദ് ബാബു, ഗോഗുല്ദാസ്, അസീസ് തുടങ്ങിയവര് പ്രസംഗിച്ചു.പി സി മാനി ചെയര്മാന് മാത്യു ജോസഫ് കണ്വീനറുമായുള്ള ആക്ഷന് കൗണ്സിലും രൂപീകരിച്ചു. തുടര്ന്ന് തച്ചമ്പാറയില് പ്രതിക്ഷേധ പ്രകടനവും നടത്തി.
