പൂവാര് : പൂവാര് ഭാഗത്തു നെയ്യാറില് മണല് കടത്തു നടത്തിയിരുന്ന നാലു വള്ളങ്ങള് പോലീസ് പിടികൂടി നശിപ്പിച്ചു. പൂവാര്, കുളത്തൂര് പ്രദേശത്ത് നിന്നാണ് വള്ളങ്ങള് പിടികൂടിയത്. രാത്രിയിലാണ് നെയ്യാറില് മണല് കടത്തു നടക്കുന്നത്. ഈ വള്ളങ്ങളില് മണല് നിറച്ചു കരകളില് എത്തിക്കും. പ്രത്യേക സംവിധാനങ്ങള് ഉള്ള വള്ളങ്ങളാണ് മണല്കടത്തിന് ഉപയോഗിക്കുന്നത്. കരയില് എത്തിക്കുന്ന മണല് കൊണ്ടുപോകുന്ന ലോറികള്ക്ക് 2 ഉം 3ഉം എസ്കോര്ട്ട് ബൈക്കുകളെയാണ് കടത്തുകാര് ഏര്പ്പാടാക്കുന്നത്. ഈ ബൈക്കില് ഉള്ള എസ്കോര്ട്ടകാര് ലോറി െ്രെഡവര്ക്ക് പോലീസ് പട്രോളിംഗിന്റെയും മറ്റും വിവരങ്ങള് കൈമാറും, ഇത് ഇവരെ പിടിക്കപ്പെടാതെ മണല് കടത്താന് ഏറെ സഹായിക്കുന്നത്. പൂവാര് എസ്ഐ സുരേഷ് കുമാറിന് ലഭിച്ച രഹസ്യ വിവരത്തെ തുടര്ന്നു നടത്തിയ തിരച്ചിലിലാണ് വള്ളങ്ങള് പിടികൂടിയത്. പിടികൂടിയ വള്ളങ്ങള് ജെസിബിയുടെ സഹായത്തോടെ നശിപ്പിച്ചു. വരും ദിവസങ്ങളില് മണല് കടത്തിനെതിരെ കര്ശനമായ തിരച്ചില് നടത്തുമെന്ന് പോലീസ് അറിയിച്ചു.
മണലൂറ്റ് വള്ളങ്ങള് പിടികൂടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.