തിരുവനന്തപുരം : നഗരത്തില് മാലിന്യം കൂട്ടിയിട്ട് തീ കത്തിച്ച് പുകയ്ക്കുന്നതിന് പുറമേ വാഹനപുക നിയന്ത്രിക്കുന്നതിലും സര്ക്കാരും നഗരസഭയും പരാജയപ്പെട്ടിരിക്കുന്നു എന്ന് ബിജെപി സംസ്ഥാന കൗണ്സില് അംഗം ശ്രീവരാഹം വിജയന് പറഞ്ഞു. മത്സ്യ-മാംസ മാലിന്യത്തോടൊപ്പം പ്ലാസ്റ്റിക്ക്-റബ്ബര് മാലിന്യവും മറ്റും കൂട്ടിയിട്ട് തീ കച്ചിച്ച് നഗരത്തില് പുകയ്ക്കുന്നത് രാവിലെ 10 മണിക്കും 11 മണിക്കുമാണ്. ഈ സമയം എസി വാഹനത്തില് അടച്ചുപൂട്ടി യാത്ര ചെയ്യാത്ത എല്ലാ യാത്രക്കാരും ശ്വാസം മുട്ടി മാരക അസുഖങ്ങള്ക്ക് അടിമകളായിക്കൊണ്ടിരിക്കുന്നു. ഡീസല് വാഹനങ്ങളില് നിന്നു വമിക്കുന്ന പുക നഗരത്തെ മലിനമാക്കുന്നത്. കറുത്ത ദുര്ഗന്ധം വമിക്കുന്ന പുക വാഹനത്തില് നിന്നും പുറത്തേയ്ക്ക് വരുന്നത് കണ്ട് നില്ക്കുമ്പോഴാണ് പോലീസ് ഉദ്യോഗസ്ഥര് ഹെല്മറ്റ് ഇല്ലാത്തവരെ തടഞ്ഞുനിര്ത്തി പൈസ് വാങ്ങുന്നത്. പോലീസ് ഉദ്യോഗസ്ഥരും ഈ പുക ശ്വസിക്കുന്നു. ഇതിനെതിരെ നടപടി സ്വീകരിച്ചില്ലെങ്കില് ബിജെപി ജനകീയ പ്രക്ഷോപങ്ങള്ക്ക് തുടക്കം കുറിക്കുമെന്ന് ശ്രീവരാഹം വിജയന് പറഞ്ഞു.
