കൊല്ലം: പുതിയ കാലഘട്ടത്തിന്റെ ആവശ്യങ്ങള്ക്ക് വെദ്യുതിയുടെ ഗുണമേന്മ അങ്ങേയറ്റം പ്രധാനമാണെന്ന് വൈദ്യുതി ബോര്ഡ് മുന് മെമ്പര് കെ.രാധാകൃഷ്ണന്. വോള്ട്ടേജ്, തടസമില്ലായ്മ, തുടങ്ങിയവ കൂടാതെ ഒട്ടനവധി സാങ്കേതികമേന്മകളും പുതിയ ഇലക്ട്രോണിക് ഉപകരണങ്ങളുടെയും വ്യാവസായിക, വാണിജ്യ, ആരോഗ്യ ഉപകരണങ്ങളുടെയും പ്രവര്ത്തനത്തിനും ആയുസിനും അനുപേക്ഷണീയമാണ്. അതിനാല് വൈദ്യുതി ബോര്ഡ് ഇക്കാര്യങ്ങള്ക്കു പരമപ്രാധാന്യം നല്കേണ്ട സമയം അതിക്രമിച്ചിരിക്കുകയാണെന്നും അദ്ദേഹം പറഞ്ഞു. എന്ജിനീയറിങ് കോളേജ് വിദ്യാര്ത്ഥികള്ക്കായി കെഎസ്ഇബി എഞ്ചിനിയേഴ്സ് അസോസിയേഷന് നടത്തിയ പ്രബന്ധാവതരണ മത്സരം ഉദ്ഘാടനം ചെയ്യുകയായിരുന്നു അദ്ദേഹം. വടക്കേവിള യൂനസ് എന്ജിനീയറിങ് കോളേജില് കോളേജ് ചെയര്മാന് യൂനുസ്കുഞ്ഞിന്റെ അധ്യക്ഷതയില് നടന്ന ഉദ്ഘാടന സമ്മേളനത്തില് പ്രിന്സിപ്പല് എം.അബ്ദുല് മജീദ്, അസോസിയേഷന് ജില്ലാ ചെയര്പേഴ്സണ് ബീനാ പയസ്, സെക്രട്ടറി ഡോണി, ഡോ.ബിനുശങ്കര്, എം.സേവിയര്, പ്രൊഫ.പി.പി.മായ തുടങ്ങിയവര് സംസാരിച്ചു.
വൈദ്യുതിയുടെ ഗുണമേന്മ സുപ്രധാനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.