കൊല്ലം: സിറ്റി പോലീസ് കമ്മീഷണറുടെ നിര്ദ്ദേശപ്രകാരം നടത്തിയ പ്രത്യേക കോമ്പിങ് ഓപ്പറേഷനില് കൊല്ലം സിറ്റിയില് വിവിധ കേസുകളിലായി പിടികിട്ടാപുള്ളികളായ 11 പേരെ അറസ്റ്റ് ചെയ്തു. കൂടാതെ വിവിധ കേസുകളിലായി 46 വാറണ്ട് പ്രതികളെയും അറസ്റ്റ് ചെയ്തു. പ്രത്യേക പരിശോധനയുടെ ഭാഗമായി നിരോധിത പുകയില ഉല്പ്പന്നങ്ങള് കൈവശം വച്ചതിനും നിരോധിത മയക്കുമരുന്നുകള് ഉപയോഗിച്ചതിനും 15 പേര്ക്കെതിരെ കേസുകള് രജിസ്റ്റര് ചെയ്തു. മദ്യപിച്ച് വാഹനം ഓടിച്ചതിന് 85 പേര്ക്കെതിരെയും അലക്ഷ്യമായി വാഹനം ഓടിച്ചതിന് 87 പേര്ക്കെതിരെയും പൊതുനിരത്തില് മദ്യപിച്ച് കലഹം ഉണ്ടാക്കിയതിനും പൊതുസ്ഥലത്ത് മദ്യപിച്ചതിനും 64 പേര്ക്കെതിരേയും കേസെടുത്തു. കൊല്ലം സിറ്റി പോലീസ് കമ്മീഷണറുടെ നിര്ദ്ദേശപ്രകാരം സബ് ഡിവിഷണല് ഓഫീസര്മാരായ കൊല്ലം എസിപി ജോര്ജ് കോശി, ചാത്തന്നൂര് എസിപി ജവഹര് ജനാര്ഡ്, കരുനാഗപ്പള്ളി എസിപി ശിവപ്രസാദ് എന്നിവരുടെ നേതൃത്വത്തില് ജില്ലയിലെ മുഴുവന് പോലീസ് ഉദ്യോഗസ്ഥരേയും ഉള്പ്പെടുത്തി നടത്തിയ പ്രത്യേക പരിശോധനയില് 311 പേര്ക്കെതിരെ വിവിധ കേസുകള് രജിസ്റ്റര് ചെയ്തു.
പോലീസ് പരിശോധനയില് 11 പേര് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.