പാനൂര്: സിപിഎം ഗുണ്ടാനേതാവ് ഡിവൈഎഫ്ഐ പ്രവര്ത്തകന്റെ വീട്ടില് ഭീഷണിയുമായി രംഗത്ത്. അരയാക്കൂല് കുഞ്ഞേറ്റവിട രാഘവന്റെ വീട്ടിലാണ് ജന്മീന്റെവിട ബിജുവിന്റെ നേതൃത്വത്തിലുളള ഗുണ്ടാസംഘം ഭീഷണിയുമായി എത്തിയത്. ബിജെപി നേതാവ് അഡ്വ:വത്സരാജകുറുപ്പിനെ കൊലപ്പെടുത്തിയ കേസിലെ പ്രതിയായ രാഘവന്റെ മകന് ശരത്ത് പാനൂരിലെ ബ്ലേഡ് ഇടപാടുകാരനായ ജ്വല്ലറി ഉടമയ്ക്ക് നല്കാനുളള പണമിടപാട് പ്രശ്നത്തില് ഇടപ്പെട്ടാണ് ബിജുവും കൂട്ടരും വീട്ടിലെത്തിയത്. നാളെ ശരത്തിന്റെ കല്ല്യാണമാണ്. അത് മുടക്കുമെന്നാണ് ഭീഷണി. ഇന്നലെ ബിജുവും കൂട്ടരും വീട്ടിലെത്തിയതോടെ വീട്ടുകാര് പോലീസിനെ വിവരമറിയിക്കുകയും അക്രമികള് രക്ഷപ്പെടുകയുമായിരുന്നു. എന്നാല് ഇവര്ക്കെതിരെ പരാതി നല്കാന് വീട്ടുകാര് തയ്യാറായില്ല. ഇതിനു മുന്പ് രണ്ടു തവണ ഇതേസംഘം ശരത്തിനെ മര്ദ്ദിച്ചതായും ബന്ധുക്കള് പറഞ്ഞു. കൊലക്കേസടക്കം നിരവധി കേസുകളില് പ്രതിയായ ബിജുവിനെ സിപിഎം നേതൃത്വം സംരക്ഷിക്കുകയാണെന്നും ബന്ധുക്കള് ആരോപിക്കുന്നു. ഉറ്റസുഹൃത്തുക്കളായിരുന്ന ശരത്തും ബിജുവും പണമിടപാട് പ്രശ്നത്തില് തെറ്റുകയായിരുന്നു. പ്രദേശത്ത് പണം വെച്ച് ചീട്ടുകളിക്കുന്ന പ്രധാനികളായിരുന്നു ഇരുവരും. പാനൂര് ബസ് സ്റ്റാന്റിലെ സ്വര്ണ്ണ വ്യാപാരിയായ യുവാവിനു വേണ്ടിയാണ് ക്വട്ടേഷന് ഏറ്റെടുത്തിട്ടുളളത്. കര്ണ്ണാടകയിലെ കുടകില് നിന്നാണ് ശരത് വിവാഹം കഴിക്കുന്നത്. പെണ്വീട്ടില് പോയി കല്ല്യാണം മുടക്കാന് ബിജു ശ്രമിച്ചിരുന്നുവത്രെ. പ്രശ്ന പരിഹാരമാക്കാതെ കല്ല്യാണം നടത്താന് വിടില്ലെന്ന നിലപാടിലുഉറച്ചാണ് ക്വട്ടേഷന് സംഘം ഇന്നലെ പിരിഞ്ഞു പോയത്. നാട്ടുകാര്ക്കും പാര്ട്ടിക്കാര്ക്കും വിധേയരാല്ലാത്ത ഈ സംഘത്തെ തൊടാന് പോലീസിനും ഭയമാണ്.
സിപിഎം ഗുണ്ടാനേതാവ് ഡിവൈഎഫ്ഐ പ്രവര്ത്തകന്റെ വീട്ടില് ഭീഷണിയുമായി രംഗത്ത്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.