നീറ്റ് പേപ്പര്‍ ചോര്‍ച്ചയ്‌ക്ക് കാരണക്കാരനായ പ്രൊഫ. കുല്‍ക്കര്‍ണിയുടെ വീടും മൂന്ന് നില കോച്ചിംഗ് സെ‍ന്‍ററും ബുള്‍ഡോസര്‍ പൊളിച്ചിട്ടും വാര്‍ത്തയായില്ല

മുംബൈ: നീറ്റ് പേപ്പര്‍ ചോര്‍ച്ചയ്‌ക്ക് പിന്നി്ല്‍ പ്രവര്‍ത്തിച്ച പ്രധാനികളില്‍ ഒരാളായ കെമിസ്ട്രി പ്രൊഫ. പി.വി. കുല്‍ക്കര്‍ണിയുടെ വീടും മൂന്ന് നിലയുള്ള കോച്ചിംഗ് സെന്‍ററും ബുള്‍ഡോസര്‍ ഉപയോഗിച്ച് പൊളിച്ചുനീക്കി. മഹാരാഷ്‌ട്രയിലെ ബീഡിലെ മുനിസിപ്പല്‍ അധികൃതരാണ് ഈ ബുള്‍ഡോസര്‍ നീതി നടപ്പാക്കിയത്. മലയാള മനോരമ, മാധ്യമം, മീഡിയ വണ്‍ മാത്രമല്ല, കേരളത്തിലെ ഒരു മാധ്യമവും ഈ വാര്‍ത്ത പങ്കുവെച്ചില്ലെന്നതാണ് വാസ്തവം.

Beed, Maharashtra: A bulldozer action was carried out against an allegedly illegal four-storey building linked to retired professor P. V. Kulkarni, an accused in the NEET paper leak case, in Beed, Maharashtra. The demolition began after the expiry of a municipal notice pic.twitter.com/vsTjA5xNpz

— IANS (@ians_india) June 1, 2026

പക്ഷെ ഇന്ത്യയിലെ മോദി വിരുദ്ധ, ബിജെപി വിരുദ്ധ മാധ്യമങ്ങളും സമൂഹമാധ്യമങ്ങളിലെ മോദി വിരുദ്ധ പേജുകളും ഈ വാര്‍ത്ത കൊടുത്തില്ല. കാരണം ഈ വാര്‍ത്ത നല്‍കിയാല്‍ അത് മോദി സര്‍ക്കാരിന് അനുകൂലമായ വാര്‍ത്തയാകുമെന്നതിനാലാണ്. നേരത്തെ പൂര്‍വ്വീകസ്വത്തായി കുല്‍ക്കര്‍ണിക്ക് ബീഡിലെ തറവാട് വീട് ലഭിച്ചിരുന്നു. പിന്നീട് ഇതിനോട് ചേര്‍ന്ന് മൂന്ന് നിലകളിലായി ഒരു വമ്പന്‍ കോച്ചിംഗ് സെന്‍റര്‍ ആര്‍സിസി ക്ലാസസ് എന്ന പേരില്‍ ആരംഭിക്കുകയായിരുന്നു.

നിരവധി വര്‍ഷങ്ങളായി നീറ്റ് പരീക്ഷ നടത്തുന്ന എന്‍ടിഎ എന്ന സ്ഥാപനത്തില്‍ ചോദ്യപ്പേപ്പറുകള്‍ തയ്യാറാക്കുന്ന ജോലിയായിരുന്നു പി.വി. കുല്‍ക്കര്‍ണിക്ക്. പക്ഷെ ഇത്തവണ ഇയാള്‍ പരീക്ഷാപേപ്പറുകള്‍ ചോര്‍ത്തുകയായിരുന്നു. ഇത് 22.70 ലക്ഷം വിദ്യാര്‍ത്ഥികളുടെ ഭാവി അപകടത്തിലാക്കുമെന്ന് കരുതിയാണ് കേന്ദ്രസര്‍ക്കാര്‍ നീറ്റ് പുനപരീക്ഷ നടത്തേണ്ടിവന്നത്. പ്രൊഫ. പി.വി. കുല്‍ക്കര്‍ണിയെ നീറ്റ് പരീക്ഷപ്പേപ്പര്‍ ചോര്‍ച്ചയുടെ മുഖ്യപ്രതി എന്ന് സിബിഐ കണ്ടെത്തുകയായിരുന്നു. ഇതോടെ ഇയാള്‍ക്ക് തക്കതായ ശിക്ഷ നല്‍കണമെന്ന തീരുമാനമുണ്ടായിരുന്നു. അതാണ് വീടും കോച്ചിംഗ് സെന്‍ററും പൊളിച്ചുനീക്കുക എന്ന കടുപ്പമുള്ള നടപടിയിലേക്ക് എത്തിച്ചത്.

കുല്‍ക്കര്‍ണിയുടെ ആര്‍സിസി ക്ലാസസ് എന്ന പേരില്‍ ജെഎം റോഡിലുള്ള മൂന്ന് നിലക്കെട്ടിടം ബീഡ് മുനിസിപ്പല്‍ അധികൃതര്‍ വിശദമായി പരിശോധിച്ചു. തൂണുകളും ബഹുനിലകളും അനധികൃതമാണെന്ന് പരിശോധനയില്‍ കണ്ടെത്തിയതിനെ തുടര്‍ന്ന് കെട്ടിടമാകെ പൊളിച്ചുനീക്കുകയായിരുന്നു. ഭാവിയില്‍ ഇത്തരം തട്ടിപ്പുകള്‍ നടത്താന്‍ തുനിയുന്നവര്‍ക്കുള്ള ശക്തമായ മുന്നറിയിപ്പാണ് ഈ ബൂള്‍ഡോസര്‍ ഉപയോഗിച്ചുള്ള പൊളിച്ചുനീക്കല്‍.

നീറ്റ് പരീക്ഷാതട്ടിപ്പിനെക്കുറിച്ച് അന്വേഷണം നടത്തിയ സിബിഐ സംഘമാണ് പി.വി കുല്‍ക്കര്‍ണിയെ അറസ്റ്റ് ചെയ്തത്.