തലശ്ശേരി: തലശ്ശേരി റെയില്‍വേ സ്റ്റേഷന്റെ വികസന സാധ്യത പരിശോധിക്കുമെന്ന് പാലക്കാട് ഡിആര്‍എം നരേഷ് ലല്‍വാണി പറഞ്ഞു. തലശ്ശേരി റെയില്‍വേ സ്റ്റേഷന്‍ സന്ദര്‍ശിച്ച ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. ഈ മാസം 27ന് റെയില്‍വേ ജനറല്‍ മാനേജര്‍ തലശ്ശേരി റെയില്‍വേ സ്റ്റേഷന്‍ സന്ദര്‍ശിക്കുന്നുണ്ട്. ഇതിന്റെഭാഗമായാണ് എ കഌസ് റെയില്‍വെ സ്റ്റേഷനായ തലശ്ശേരി റയില്‍വെ സ്റ്റേഷന്‍ അഭിമുഖീകരിക്കുന്ന പരാധീനതകള്‍ വിലയിരുത്താന്‍ ഡിആര്‍എം തലശ്ശേരിയിലത്തെിയത്. രണ്ടാം പ്ലാറ്റ് ഫോമില്‍ ടിക്കറ്റ് കൗണ്ടര്‍, വിഐപി ലോഞ്ച്, പ്ലാറ്റ്‌ഫോമില്‍ മേല്‍ക്കൂര, പ്ലാറ്റ് ഫോം കോണ്‍ക്രീറ്റിങ്, ഭക്ഷണശാല മുതലായ പ്രവര്‍ത്തനങ്ങള്‍ സംബന്ധിച്ച് പ്രഫ.റിച്ചാര്‍ഡ് ഹേ എംപി നല്‍കിയ നിര്‍ദ്ദേശം റെയില്‍വേ അധികൃതരുടെ മുന്നിലുണ്ട്. ഇവയുടെയൊക്കെ സാധ്യത പരിശാധിക്കുകയാണ് തന്റെ സന്ദര്‍ശന ലക്ഷ്യമെന്നും അദ്ദേഹം വ്യക്തമാക്കി. തുടര്‍ന്ന് റെയില്‍വേ സ്റ്റേഷനില്‍ നിന്ന് പഴയ ബസ് സ്റ്റാന്റിലേക്ക് നടപ്പാതയാക്കാന്‍ ഉദ്ദേശിക്കുന്ന ഓവുചാലും പ്രദേശവും ഡിആര്‍എമ്മും ഉദ്യോഗസ്ഥരും നടന്നുകണ്ടു. ഡിവിഷനല്‍ റെയില്‍വേ മനേജറുടെ നിര്‍ദ്ദേശത്തിന്റെ അടിസ്ഥാനത്തില്‍ എത്രയും വേഗം ആവശ്യമായ രേഖകള്‍ ഡിജിഎമ്മിന് നല്‍കാന്‍ സെക്രട്ടറിയെ ചുമതലപ്പെടുത്തിയതായി തലശ്ശേരി നഗരസഭാ ചെയര്‍മാന്‍ പറഞ്ഞു. ഇതിന് അനുമതി ലഭിക്കുമെന്ന് അദ്ദേഹം ഉറപ്പ് നല്‍കിയതായും ചെയര്‍മാന്‍ പറഞ്ഞു.
വികസന സാധ്യത പരിശോധിക്കും: ഡിആര്‍എം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.